السلام عليكم .. انا ف مشكله كبيره اوي و محتاجه حل انا اختي الصغيره كلمتني من كام يوم و قالتلي أن جوزها ضربها و حصل بينهم مشكله كبيره اوي و نزل و سألها… ف انا اتضايقت بصراحه ازاي يعني يمد ايده عليها المهم قلتلها انا هجيلك و لمي هدومك انتي و العيال
علي م اجي و خدتلي بتاع ساعه فالطريق عشان هي بعيده شويه و اول م وصلت لقيتها لسه ملمتش كل حاجه ف لميت معاها علي قد م اقدر و خلاص ماشين لقيت جوزها بيفتح باب الشقه و دخل ف شافني و المفروض انا ف مقام اخته الكبيره لأن فرق السن بينا كبير ف بقوله
عيب اللي حصل ده و انا هاخدها اوديها عند ماما و كلامك معاهم فالبيت لقيت ده بيقولي ولله لو اتحركتو من هنا ل هيكون اخر يوم ليكو و قفل باب الشقه و خد المفتاح معاه و طلع سكينتين و حطهم علي ترابيزه الصالون عشان يعني يخوفني .. ف انا بصراحه كنت قلقانه بس انا قلبي جامد رحت قلتله هات المفتاح و قربت منه عشان أشد المفتاح راح مكتفني من ايدي و رفع أيده و ….
لقيته بيضربني بالقلم ؟ انا اتصدمت اداني حته قلم انا وقتها حسيت اني مش سامعه حاجه لانه أيده كبيره و القلم جه علي ودني بعدت عنه علي طول و دخلت الاوضه و قفلت عليا انا و اختي و العيال و
رنيت علي جوزي كنت عماله ارن عليه من بدري مكنش بيرد رد عليا و قلتله و راح جوزي جه و جاب مخبر معاه عشان لو هو مرضاش يطلعها ف جه و طبعا هو خاف و فتح الباب راح جوزي ضربه و جه المخبر عشان يطلع اختي لقيت اختي خايفه و بتقول لا و مرضتش تيجي معانا .. ف انا دلوقتي مش عارفه اعمل ايه ممكن حد يقولي حل ؟