عندي مشكلة كبيره شوية تقريبا بيتي اتخرب فيها انا رجل عندي ٤٣ سنه متجوز من ١٤ سنه عندي ٣ أطفال موظف حكومي وزوجتي ايضا موظفه لكن هي في التربيه والتعليم من ٤ سنين جالها عقد عمل في الخارج في احدى الدول العربيه كنت رافض كتير لكن هي أصرت واخدت طفلين معاها وتركت الكبيره هنا مع جدتها ام زوجتي علشان
مطولش عليكم كل فلوسها كانت بتحولها ليا واخدنا شقة تمليك في مكان كويس علشان نوسع لنا والشفة القديمه كانت بتاعتها وباسمها وتزوجنا فيها انا قولتلها في احد إجازتها اعملي توكيل ليا علشان نبعها جت هي تنازلت عنها ليا علشان اببيعها على طول المهم انا في فترة غيابها وغياب اولادي ووحدتي كان معايا واحده معجب بيها بس كانت متزوجه وبالصدفه في الفترة زوجها توقى الله يرحمه بعد عدتها فتحتها في موضوع الزواج منها وافقت بس على شرط امن لها مستقبلها واوافق على ولادها معاها بالفعل وافقت وكتبت لها الشقه وتزوجنا وللاسف مراتي عرفت و
اتهمتني بالخياnنة واني اخدت تعبها وشقاها صرفتوا عليها لاني بالفعل سحبت مبلغ كبير من فلوسها أثناء فترة تجهيز زواجي من شبكة وعفش للشقة علشان زوجتي الجديده رفضت العفش القديم نهائي وحاليا مصممه على الطلاق لاما أطلق الجديده وانا مش هقدر أط..لقها وكمان الشقه معاها وخلفت منها كمان فانا دلوقتي مش عارف اطل.قها
فعلا وارضى بحياتي مع زوجتي الجديده ولا اعمل ايه محتار لانها مش موافقه بالوضع ده نهائي كمان بتطالبني بفلوسها ومشكلتنا تعقدت تماما وقفلت على كده غير طبعا المشاكل الحاليه مع اهلها وانا تعبت منها ومن صلابه دماغها وبعتبرها انانيه منها فماذا افعل معاها ارجو النصيحه