انا هفضفض معاكم استحملوني لأني بجد خايفه اوي علي اخويا وعايزه رأيكم في حل
دلوقت اخويا خاطب بقاله سنه
المهم خطيبته دي جارتنا وكده وحب عمره يعني
المهم باباها الله يرحمه ويغفرله مـaـت من ٥ شهور وهي بنته الوحيده ووالدتها توفاها الله وهي صغيره وأبوها اللي رباها واتجوز وطلق وفضل عايش معاها وخلاص
ومتعلقه بيه مـaـت فجأه كده يوم وفاته توقعنا أنها هتموت من الانهيار حصل العكس معيطتش خالص ولا انهارت ولا اي حاجه فضلت متنحه كده واحنا كلنا كنا مستغربينها
بعد الوفاه ب اسبوع صرخت صريخ فظيع واحده قريبتها كانت بايته معاها يعني قريبتها دي بقت مرعوبه منها صريخ وتكسير ف البيت واخويا جري واحنا روحنا محدش فينا قدر يوقفها
المهم يعني من وقتها وهي مش طبيعيه خالص يا جماعه
بتتخيل ابوها وبتتكلم معاه كتير بتكلم نفسها قريباتها قالت كده لأمي أنها بتدخل عليها تلاقيها بتضحك جامد وأوقات عياط جامد
خناقات ليل نهار مع اخويا وعايزاه جنبها وغيره أوفرر اووي
يعني لو سافر شغل بالليل تفضل تعيط
كان مسافر شغل وكده بالليل جت اتهجمت علينا وتشتم فينا بأبشع الألفاظ اننا مستغنيين عنه وحاجات هبل كده
وتقوله لتكون رايح لواحده انت بتخوني اكيد
يعني شك وغيره وبدأت تيجي عندنا كتييييييير أوي يوميا تيجي
واكتشفنا أنها بتروحله الشغل تطب عليه فجأه تشوفه بيعمل ايه
وهو صابر وساكت علي حركاتها دي وامي قالتله سيبها دي متصلحش زوجه رفض
يا جماعه اتغيرت خالص وحرفيا بقت صعبه اووي ولا تطاق
وبتعمل مشاكل من مفيش اصلا
لدرجة الهبل بتاعها كانت هجمت علينا فجأه كده خبطت المهم
لقت اخويا نايم علي رجل ماما وبتعمل في شعره كده هو بيحب الحركه دي من صغره ودي مامته يعني مش ست غريبه مثلا !
بصيتله هو اصلا اول ما شافها اتخض وقام
قالتله….