ازيكم انا كنت متردده كتيير قبل م اكتبلكم حاجه
كنت بقرا كل القصص و انتوا اد ايه ردكم عاقل جدا
انا حكايتى غريبه شويه او شويتين و بجد محتاجه رايكو فيها
اللى هتقول ده فيلم هندى هيبقى حقها بصراحه
لانها اقرب للخيال
انا متجوزه من سنه و 3 شهور
انا اتجوزت و انا عندى 20 سنه هو كان اول حد اعرفه و احبه مع العلم ان كان ليا زمايل كتير فى الجامعه بيحاولوا يكلمونى بس انا دايما كان عندى مبدا ان كل حاجه هتبقى احلى لما تبقى فى الحلال مع جوزى
اتجوزت جواز صالونات عادى اول م خلصت امتحانات
هو كان حنين و كنا كويسين مع بعض اوى اوى
اول يوم اتجوزت فيه حسيت بحاجه غريبه اوى كان بيتكلم ف الفون كتير و كان بيسبنى ده حتى بعد الفرح لما طلعت كان قاعد فى الاوضه التانيه من السويت بيتكلم و كل م بقولوا فى ايه يقولى بكلم صاحبى و جاى يا حبيبتى معلش
المهم استحملت سافرنا شهر العسل طول اليوم انا لوحدى فى الاوضه و هو بيختلق حجج و ينزل
و اول م رجعنا قالى انا مسافر مع اصحابى 10 ايام و زى م سافرت معاكى هسافر مع اصحابى
المهم قعدت عند حماتى و هى ست محترمه اوى و حمايا كلمه بعد اسبوع اتخانق معاه قاله العريس يا اما مسافر مع مراته يا اما قاعد مع مراته فى بيته ولازم ترجع
المهم برده فضلنا على نفس الوضع يبعتنى اعمل اى حاجه و هو يتكلم فى الفون
انا اتجرات و مسكت تليفونه و اكتشفت انه
متجوز عليا واحده رقاصه عرفى لكن توبها و قعدها فى البيت و هى رقاصه معروفه
طبعا اتجننت و مقدرتش اقوله انى شفت حاجه خالص بس رحت حكيت ل حمايا و حماتى و اخته الكبيره
بصراحه هما قالولى اصبرى و احنا هنحل الموضوع
صبرت و عشان بحبه والله
بس الحياه بيننا بقت وحشه انا كنت فاهمه كل كدبه و ساكته حتى بقيت اقرف منه لما بييجى من هناك او المسه حتى
و رحت قلتله ان انا عارفه كل حاجه كان هيبوس رجلى و استحملى و معلش و حقك عليا و هسيبها والله بس ادينى فرصه كام يوم
قولت ماشى
و روحنا قعدنا عند حماتى و سبنا بيتنا بحجه انو بينزل كتيير و مش بيحب يسيبنى و بيقلق عليا لقيته مشى الموضوع يوم و يوم و قدام الكل كمان
حسيت انو بقى امر واقع و عيشى باه
كل ده و اهلى فاكرين انى متهنيه معاه
المهم روحت اتفات انا وواحده صاحبتى نكلمه و نقوله ليه تعمل كده سمعتك و سمعه ابوك اللى بناها فى السنيين دى ليه تضيعها و كده
هو اتجنن و هو ليه وسايط عرف يجيب مكان المكالمه وعرف انى انا
و من ساعتها اكنه مصدق يلاقيلى غلطه وقاللى هطلقك و روحى عند ابوكى
ولما بابا اتكلم معاه قاللو دى …….. يتبع