جوز صاحبتي طلب منها أنها تكلمني علي عريس صاحبه في الشركه كان بيسأل عن عروسه فقاله والدتي عارفاها من زمان واهلها محترمين وبسمع عنهم كل خير وهي مؤدبه جدا ومتعلمه و شاف صورتي من عند صاحبتي وقاله تمام مبدأيا ونحدد معاد..وكنا من قريب انا وصاحبتي مع بعض وانا دخلت اصلي وهي استنت بره لان معاها بيبي فمدخلتش وانا طالعه بلبس الشوز فكانت بتتكلم فالتليفون بتقوله طنش الموضوع ده افرض هي رفضت..
انا لحد كده مكنتش عارفه حاجه ولا بتتكلم علي مين ومسالتهاش ..بعدها جت حماتها فالبصدفه لقيتها بتقولي يابنتي العريس ده كويس جدا ومامته اول ما شافتك قالتله البنت دي جميله ومريحه كده فأنا استغربت قلتلها انا معرفش حاجه فجأه دخلت صاحبتي لقتها اتلخمت كده وبتقولي مانا كنت هفتح معاكي الموضوع انهارده فحماتها قالتلها انتي مكنتيش لسه قلتلها كل ده ليه ده هو قال يشوفها قبل ما يشوف اخت صاحبهم الصراحه هو ارتاحلها اكتر من اخت صاحبهم وحس بقبول يعني اكتر
وسبحان الله ربنا أراد ان اسمع كده وانا طالعه من الصلاه فعرفت أنه كان عليا وعشان اتحرجت من حماتها حكتلي
وهي عارفه كل الأسباب اللي برفض عشانها اي حد وكانت بتقول دايما معاكي حق ماتتسرعيش وأن بإذن الله هيجيلك فرص احسن وطلباتك كلها منطقيه ومافيهاش اي مبالغه المهم حد محترم وابن ناس ومتعلم ويكون في توافق انا اتصدمت انها كانت بتتكلم كده عليا يعني الناس الغريبه تقولي وانتي تعملي كده انا يعلم ربنا كنت بحبها ازاي .انا حقيقي مش زعلانه عشان العريس ولا أنه خلاص شاف العروسه التانيه لان كل حاجه بتحصل ربنا مقدرها لينا خير ..
بس زعلانه من صاحبتي جدا وفجأه حسيت ان مافيش إخلاص وحاسه مش هعرف اتعامل معاها تاني ممكن تدعولي ربنا يقرب مني الصالح ليا واللي فيه الخير وان يقرب مني الناس اللي نيتهم كويسه