معلش هطول عليكو شويه استحملوني قلبي وجعني اوي
بغض النظر عن طبع زوجي الصعب
الا عارفه من الخطوبه بس للاسف كنت متعلقه بيه جدا ليه معرفش
اتجوزت في مكان بعيد عن اهلي ٧ سعات اول لما عرفت اهلو قولت دول اهلي الا هيعوضوني في غربتي
اخدت اختو انها اختي والله العظيم من الخطوبه وحبتها من قلبي
لما جيت افرش انا وأهلي كنا جاين سفر ٧ سعات وكان نفسنا بس ناخد نفسنا وبعدين نفرش هي صممت حالا نفرش وفضلت تفتح في الشنط ولبسي وكل حاجه قولت مش مشكله عاوزه تساعد كتر خيرها …
فاجاءه.. راحة ادلعها واهزر معاها لقتها متحوله ومش بترد عليه وبتبص ليه بقرف من تحت لفوق اقسم بالله بقولها بكلمك مردتش وسابتني وطلعت برا الاوضه رحت ورها بقولها طيب ردي في اي مش كفايه اخوكي صعب معايا انتي كمان بتعملي معايا كدا بصت من فوق لتحت بقرف ومشيت
فضلت اعيط ب أنهيار قولت لعمتي ابوس ايدك نزلو الحاجه تاني انا خايفه اوي وكسرت نفسي يوم ما بفرش عمتي فضلت تقول الله اكبر ننزل الحاجات تاني ازاي فضلت افرش وارص حاجاتي بالدموع وهي شيفاني ولا في دمغها حسبنا الله ونعم الوكيل
بعت لجوزي قولتو تعالي علشان اقوله يسالها مالها
لما شافتني وقفه معاه بصلتي بصه عمري ما انسها وكمية قرف وغل لا توصف وجت قاعدت وسطنا ومعرفتش اقوله حاجه بعتلو رساله ان نززل تحت اقوله حاجه نزلت وحكيت ليه بس هي كانت سابقه ههههههه وشاكيه وفضل يقول اختي دي كل حياتي وانتي في كفه وهي في كفة وكفتها هي إلا هطب يا بنت الناس قولتو انا ولا كلمتها والله
طيب افهم في اي عرفني انا عملت اي……
اخدني ورحنا الشقه عندها … بقولها وحياة ولادك قولي انا عملت اي قالتي لو سمحتي انا عاوزه اصلي اطلعي برا …
طلعت وهي طلعت ورايا قاعدت وجوزي قاعد وكان وجيبلها اكل حطت رجل ع رجل وفضلت تاكل وتتريق عليه وتقول كانت قاعده تعيط ههههه وتضحك انا كنت مستغربه اوي اول مره يعدي عليه ناس بالشكل دا وهو ساكت وعادي وكان السبب واحنا بنفرش كانت عامله تتآمر ع ابويا واخويا وابن خلتها شيل دا هنا ودا هنا وتقولهم خلصونا بقى تعبنا راح ابوها زعق وقال الا تعب يروح
بتقول ازاي انا مردتش وقولتو ازاي تزعق ليها كدا
قولتها ارد ع حمايا ازاي ؟!!
وجوزي قالي لما نزلنا ع الله ابويا يزعق ليها بسببك تاني
دا اول موقف فين غلطي لو سمحتو ؟!!