السلام عليكم لو سمحت انا خاطب من سنتين وان شاء الله هتتجوز في شهر ٨
حمايا توقى من شهرين وخطيبتي وحيده لها اخ مهاجر كندا ومستقر هناك وملوش تقريبا اي علاقه بيهم لأن كان بينهم مشاكل من زمان
المهم دلوقتي بدء الكلام انها ازاي هتسيب مامتها لوحدها وبدء الكلام في اتجاه انها تبيع شقتها علشان تكمل جهاز البنت لأن حمايا عمل عمليات كتير وقت مرضه وصرفوا كل اللي معاهم تقريبا فهي بتقول تبيع الشقة وتيجي تعيش معانا وانا بقول طبعا ونشيلها على دماغنا بس كلام مجامله مش اكتر لاني اكيد عاوز اخد راحتي في بيتي ومش عارف اعمل ايه في المشكلة ديه كمان اهلي مش هيوفقوا انها تقعد معانا وانا طبعا
هصرف عليها اكيد مش هخليها تدفع حاجه في البيت حقيقي انا في مشكلة كبيره جدا رغم اني بحب خطبتي وهي بتحبني بس كل ما افكر واتخيل العيشه هتبقى ازاي بعد الجواز بالشكل ده بيجيلي خنقه وبفكر افسخ الخطوبه فايه اقتراحات حضراتكم بالنسبه للأمر ده وشايفين المستقبل يبقى عامل ازاي في حالة لو الجواز تم بالشكل ده