انا حصلي حاجة مبتحصلش في الافلام انا مخلصة كلية ورايحة اخلص ورق عشان اقدم في مسابقة شغل من ضمن الورق كان قسيمة جواز ابويا وامي رحت لموظفة السجل ودي تبقي ام صاحبتي واديتها صورة بطاقة ماما الموظفة قالت عايزة اي قسيمة فعرفت ان امي كانت متزوجة قبل بابا بسنتين وشوية وعمرها ما قالت لنا المهم ام صاحبتي قالتلي حاجة مكنتش في يوم اتخيلها قالتلي امي عندها
ولد من جوزها الاول وعمرها ما قالت اننا لينا اخ انا طول عمري كان نفسي يكون لينا اخ انا واختي الأغرب من كدا انها سابته لوالده ومزرتوش و لا شافته ولا خدت بالها منه ماما القمر الطيبة الي تحط علي الجرح يطيب سابت ابنها وقطعته كدا ازي هان عليها طيب هو اكبر مني ب ٤ سنين ياعني عنده ٢٧سنة ومكتوب في المهنه دكتور
علاج طبيعي ومحل السكن في محافظة بينا وبينه ساعتين تقريباً انا مش عارفة اعمل موقف غريب عجيب اقول لبابا ولا اقولها ولا اقول لأختي ولا اروح اعرفه دا كله كوم ومنظري قدام ام صاحبتي كوم تاني الي مضمنش هتمسك لسنها ولا لا