أنا مش عارفه اللي عملته ده صح ولا غلط علشان كده حبيت اخد اراءكم لإني فحيرة من أمري أرجوكم تساعدوني اعمل ايه
وهل انا صخ ولا غلط المشكلة باختصار أنا عندى 18سنه وفي تالته ثانوي ابويا وامي منفصلين وامي اتجوزت واحد تان وبابا اتجوز واحدة تانية ده خلف وده خلف
ليا اخ واخت بس عايشين مع ماما وجوزها المشكله في امى منعه اى اتصال بينا وبين بابا مع انه بيبعت مصارفنا بقالنا عشر سنين مش بنشوف بابا حتى اخويا الصغير ميعرفش شكله
لان ماما كانت حامل فيه لما اطلقت وانا كنت صغيره واختى كان عندها تلات سنين اخواتي معرفهوش لكن انا مع اني كنت صغيره بس فاكراه وفاكره حنيته عليا
وفاكرة كل تفصيلة كانت مابنا وهو وحشني اوي المهم بابا دور ع اميلي وجابه وكلمني وانا كلمته وع تواصل معاه وفرحت اوي بمكالمته واتصاله بيا بس كلمني من ورا ماما
وكمان بيخلي مراته تكلمنى وولاده اللي هما اخواتي احنا في محافظة بيعده اصلا عن اللي عايش فيها بابا المهم حاولت مع اخواتي يكلموه راحوا قالوا لامي وامي بهد،لتني واخدت منى الفون
فتره كبيره عشان معرفش اكلم بابا ولا اتواصل معاه تان
بابا انا كان نفسي اشوفه وياخدني في حضنه حضنه كان وحشنى أوي لحد ما كلمته تان واتفق معايا عشان اروح اشوفه في موقف محافظتنا وفعلا جه هو و تيته ومراته واخواتي مراته ست
طيبه جدا مكنش عارفنى من غير الصور اللي بعتهاله انا مكنتش عارفه شكله وملامحه اللي اتغيرت جريت ع حضنه وبقيت اعيط كان واحشني اوي وواحشني حنيته وطبطبته عليا واللي في الموقف عيطوا بقى
يبوس ع ايدى وفي وشي ويقولي بقيتى عروسه انا معرفش السبب اللي امى حر،متنا عشانه اننا نشوف بابا ولا هو بيقول ولا هى طيب بابا سابنا لحد تاني يربينا ليه برضو معرفش ولا حد يعرف غيرهم ابويا
حضنته أخيرا جابلي هدايا وفلوس كلهم ادوني هدايا لما فيهم مراته ادتنى……يتبع