السلام عليكم ورحمه الله وبركاته ..
انا متزوج بقالي خمس سنين و معايا طفلين .. متزوج في بيت ابويا و الوضع ماشي كويس المشاكل مكانتش كتيره اوي يعني عايشين و الحمدلله ..
ف مره حصلت مشكله بيني و بين مراتي و غضبت عند اهلها .. حاولت اوصلها كتير كل م اروح ميرضوش يدخلوني ليها و بقالي ٧ شهور مشوفتهاش هي و اولادي ..
كل شويه كنت اروح لهم عشان اديهم فلوس و احاول معاهم و للاسف مش بيرضوا ياخدوا فلوس
ف حصل و مراتي رفعت عليا قضيه طلاق للضرر و نفقه و انا كنت خلاص يأست و سافرت تبع الشغل ف اتراكم عليا مبلغ مالي كبير وانا مكنتش اعرف انها رافعه قضيه اساسا .. ف اول م رجعت رحت و
بحاول حاليا اتصالح معاها ف كان لها شرطين الشرط الأول اني اجيب لها شقه خارج بيت العيله وانا وافقت مع انه صعب عليا اوي الوضع ده ..
الشرط التاني هو اللي للأسف صدم،ني ص،د،مه عمري طلبت مني انها ..
متتنازلش عن القضيه و هي عايشه معايا يعني تفضل معايا و كل شهر تمضيلي وصل امانه انها استلمت مني النفقه .. طيب ده يرضي ربنا يا جماعه ؟ انا حقيقي مش عارف اتصرف و مش عاوز اخسرها عشان بحبها و بحب بيتي و اولادي و تعبت من اللغبطه اللي انا فيها ارجوكم قولولي حل …
شكرا جدا