السلام عليكم
والدة مراتي اتوقت من فترة وكانت ماشاء الله عندها دهب كتير اتقسم عليها هي واخواتها
من ساعة ما امي واختي عرفوا وهما بيسألوا كل شوية هي هتعمل ايه بالدهب ده هتشيله فين وهتعمل بيه ايه خليها تبيعه وتجيب بيه دهب للعيال احسن
من كام يوم لقيت اختي بتقولي انا محتاجة فلوس عشان اجيب ديب فريزر فا قولتلها ديه حاجة برا امكانياتي هجيب مبلغ زي ده منين قالتلي مهي مراتك راكنة دهب امها
المهم انا قولتلها انا اكيد مش هطلب منها حاجة زي كده قالتلي انا هقولها
المهم قالت لمراتي ومراتي رفضت وقالتلها انا محتفظة بالدهب لانه من ريحة امي وكمان الديب فريزر ده مش ضروري اصلا حوشي انتي وجوزك وجيبيه
اختي اتضايقت وقالتلي هو انت ملكش كلمة عليها ولا ايه مهي كده كده ركناه والمفروض فلوسها هي فلوسك وخد منها الدهب نستخدمه وامي كمان بتقولي انت ملكش رأي ومعملتلناش اعتبار ولا عملتلك اعتبار وكسفت اختك
وانا محتار دلوقتي اخد منها الدهب اللي من ريحة امها عشان ارضيهم واصلح العلاقة بينهم ولا اقول ايه لامي واختي