دهب حـ ما تي

السلام عليكم دلوقتي انا عندي مشكله كنت عايز اعرف رايكم فيها حماتي اتوفت من ثلاث اسابيع تقريبا وكان عندها ذهب كثير مراتي ليها اخ واحد ما كانتش بتحب مراته ومراتي برده ما بتحبش مرات اخوها

المهم حماتي قبل ما تتوفى كانت قالت لمراتي خدي الذهب ولو جرى لي حاجه اوعي تديها اي حاجه من الدهب ده فطبعا لما اتوفت اخو مراتي سالها عن الذهب فقالت له ما اعرفش ممكن تكون ماما باعته قال لها طب باعته وديت فلوسه فين قالت له برده ما اعرفش هو طبعا راح الشقه وقعد يدور ما لقاش ما لقاش ولا فلوس ولا ذهب وشاكك طبعا في مراتي بس ما عندوش دليل

وانا عمال اقنع مراتي ان كده حـrام وان الذهب ده اخوها ليه حق فيه حتى لو هي ما بتحبش مراته طبعا هي عماله تقول لي لا دي وسيط امي انا مش عارف اعمل ايه يا ترى هي المفروض تنفذ وصيه امها ولا كده كده حاسس انه حـrام وان الذهب ده حـrام ولو ولو صرفت منه اي حاجه في البيت باعته وصرفت اي حاجه في البيت هيبقى حـrام وفي نفس الوقت مش قادر اقول اخوها ان هي واخده الذهب الدهب من وراك فايه العمل بقى ايه اعمل ايه لاني حاولت معاها كثير وهي مش مقتنعه ان اللي هي بتعمله ده غلط