انا متجوزة من 4 ايام في بيت عيلة بس كل واحد في شقة
تاني يوم لقيت حماتي بتخبط عليا وبتقولي انزلي يالا
فانا اخدت كل الفاكهة اللي اهلي جايبينهالي وقلت انزل وناكلها مع بعض ونيتي خير
لقيت حماتي قالبة وشها وبتقولي اعملي حسابك ان من بكرة هتنزلي الساعة 7 الصبح
فقلت لها ليه؟ …قالت لي علشان تخدميني ومفيش حاجة اسمها تاكلي لوحدك احنا كلنا بناكل هنا في بيتي
بصراحة انا مسكتش … قلت لها بصوا بقى … انا مش متجوزة علشان اخدمك انتي وبناتك ومش هسمح اني اعيش بالطريقة دي …انا كنت ناوية اساعدكم بس بمزاجي
قالت لي يبقى تروحي لبيت اهلك
قلت لها بسيطة … انا مش هخاف … كلمت اهلي وجولي وقالوا لها بنتنا مش خدامة واخدوني
وكلموا جوزي اني مش راجعة الا لما يجيب لي شقة
حتى لو انا عروسة جديدة مش هرجع برضه الا بالشرط ده
جوزي مغلطني وبيقول لي المفروض تسمعي كلام امي وواخد مني موقف … اعمل ايه؟