مشكلتي اني ارمله من 6سنين ونص وعندى ولد وبنت جوزى توفي ف حادثه وكان ابني الكبير لسه مدخلش المدرسه دلوقتي هوا رايح اولى اعدادي واخته راحه سنه خمسه ابتدائي المشكله اني من ساعت موت
جوزى وانا بشتغل وطول اليوم بسيب ولادى لوحدهم ف البيت منغير مايكون حد معاهم ولا امى ولا اى حد بيهتم بيهم غيرى دلوقتي الموضوع دا تعب نفسيتهم اوى اني معظم اليوم برا بنزل من الساعه
9الصبح وبرجع الساعه 9 بليل يادوب برجع تعبانه من الشغل ف بنام كل يوم ع هذا الوضع دلوقتي بنتي الصغيرة عايزة تروح تعيش مع جددتها مامت ابوها وانا الموضوع دا تاعبني نفسياا جداا انها ممكن تسبني وتمشي ف اى وقت وانا واخدة منها موقف وزعلانه منها عشان كان بقلها عشر ايام قعدة عند جددتها ومكنتش عايزة تيجي فنا
بهددها وبقولها خلاص روحى عيشي عندها ع طول بتقولى واخويا هيجي يعيش معيا عند تيتا وبصراحه انا زعلانه اوى منها ومن نفسي مع اني والله مقصرا معاهم ف حاجه خالص انا قعدة ف شقه ايجار وكانو ف مدرسه خاصه بس عشان العيشه بقت غاليه وصاحب البيت
غلا عليا الايجار طلعتهم منها وحولت حكومه انا حرفياا مش عارفه اعمل ايه وتصرف ازاى صعبان عليا ولادى وفي نفس الوقت مش هينفع اسيب الشغل مش هتلاقي اصرف ولا ادفع ايجار الشقه ياريت حد يقولى اعمل
ايه