مشكـله وه …
السلام عليكم .. انا كنت وارثه شقه من والدي الله يرحمه و انا كدا كدا متجوزه ف قلت أأجرها اهو استفاد من الايجار الجديد و اخد مبلغ كل شهر ينفعني .. المهم ايامها كان ابن خالتي بيتجوز و محتاج شقه و لقيتو جاي يكل ع الشقه دي للاسف انا اتحرجت اني ارفض مع ان جوزي حذر*ني كذا مره و قالي بلاش القرايب و كدا بس أنا صممت عشان مكسوفه منه و هو كدا كدا قايلي ده فتره مؤقته لحد م ربنا يكرمه و ينقل ل شقه تمليك ..
المهم كنت عملاله ايجار قليل قلت ده عريس جديد و جت السنه الاولى عدت ف كلمته قلتله انا محتاجه اجدد العقد و ازود حتي خمسين جنيه علي الايجار لان الايجار اللي هو بيدفعله اقل من الايجار الطبيعي النص مثلا ف قلت كدا .. المهم لقيتو جاي و متأفأف و بالعافيه لما مضي العقد ..
جينا السنه اللي بعدها مرضاش يزود فلوس و هكذا قعدنا علي النظام ده سنتين كمان هو بيديني إيجاري بالعافيه اساسا كأنه بيجبي عليا لحد م اتخنقت ف قلتله انا عاوزه الشقه و انت قلت اخرك سنتين لقيتو بقا بيبجح فيا و حصل مشاكل بالهبل و مدته خلصت و مرضاش يجدد العقد و قاعد فالشقه من غير عقد زي وضع يد كدا المهم بالعافيه كلمت ناس كبار فالعيله و الحمدلله رضي يمشي بس كل بعد م مشي عشان استلم مفتاح الشقه لقيتو بيقولي انه سايبهولي مع الجيران رحت الشقه و ياريتني م رحت اول م فتحت الباب و دخلت الشقه لقيت …
الحيطان كلها عليها شخبطه و كتابه و كل أكر الابواب مته و خالع منه كل السباكه بتاعته و واخد مور المياه و عاوزه اقولكو حرفيا خربلي الشقه انا حرفيا يومها اول م شفت كدا طلعت ع القسم عملت محضر ..
دلوقتي العيله كلها بتقولي اني غلطانه و لازم أت عن المحضر بس انا هصرف فلوس ف الشقه كتيره وانا اساسا طالعه خسرانه قولولي هل انا غلطانه ؟