اخو جوزي الصغير عايش معانا بقاله سنتين علشان باباه مات وكان قبله مامته يعني هو ملوش الا جوزي
وعم الولد دلوقتي هوا في ٣ ثانويه عامه واقسم بالله جوزي بيصرف عليه دروس علشان هو علم رياضه اكتر ما بيصرف
على البيت هو مش ناقصنا حاجه وجوزي مرتبه كويس وعندي ولد واحد بس الموضوع ده مضايقني اوي جبتله شغل
علشان يشتغل ويساعد شوية في المصاريف جوزي رفض بقول له خفف الدروس شوية مش معقول كل شهر نصرف عليك الف جني
وزياده يقعد شوية وجوزي ياخده من ايده يرجعه تاني هو الولد شاطر وجوزي عاوز يدخله هندسه وده بقى تاني حاجه مزعلاني هندسه
وكده يعني مصاريف وهم ما يتلم مش عارفه اعمل ايه بصراحه زهقت من الفلوس اللي بتتصرف عليه وشقى جوزي اللي رايح و
لسه كمان لما يدخل كلية انا ابني لسه في ٢ إعدادي ومش عارفه اخلف تاني وماشيه مع الدكاتره
وربنا يسهل تنصحوني اعمل ايه مع الولد ده وخليكم مكاني وانتو عارفين الزمن ومحدش بيطمر في حاجه في الأخر
ومش قادره استحمل لسه ٤ شهور في الهم ده ولو دخل هندسه كمان هتبقى اكبر مصيبه حطت عليا
من المصاريف اللي هتتصرف عليه والله كل شوية افكر ازاي اشوش عليه علشان ميجبش مجموع كويس
بس برجع اخاف لجوزي يزعل شوفولي حل غير كده وياريت محدش يغلط فيا وحطوا نفسكم مكاني