جماعه انا عايزة افضفض معاكو عشان بجد نفسيتي زفت وجالي اكتئاب دلوقتي انا عندي ٢٣ سنه وكنت مخطوبة لواحد وسيبته بعد شهر عشان طلع فيه عيوب كتير اوي المهم انا اصلا كان بيتقدملي ناس مش مناسبة خالص ليا وكنت برفض المهم من قيمة اسبوعين عمتي جبتلي عريس وقالت دا كويس ومحترم وقال صفات كتير حلوة فيه المهم شوفت صورته كان شخص عادي جدا وشكله
الى حد ما مقبول وشاف صورتي وحدد ميعاد وجيه ومعاه مامته ولما شوفته اعجبت بيه و مامته حبيتها اوي اوي وقعدت معاه وكنت متقبلاه اوي لدرجة لما قالي على الشغل بعد الجواز ممنوع وافقت مع اني كنت دايما بقول انا استحالة اسيب الشغل بعد الجواز وحكالي انه كان خاطب وسابها عشان هي اصرت انها تشتغل بعد الجواز واول ما قعد معايا قالي انا شايف الست مكانها البيت وكان بيسال اسئلة غريبة تحبي تسكني فين وانه عنده شقة في اكتوبر ومش عاوز يسكن فيها وهيروح يسكن جمب امه اللي ساكنة في حتة شعبية عشان قريبة من شغله وسالني
انتي عصبية قولتله لا خالص بس كان بيسال عن موضوع الشغل كتير اوي معرفش ليه بس معاه لقيتني بوافقه على كل حاجة ومشترطش عليه حاجة وبالعكس كنت طول القعدة وانا مبسوطة و راضية اعمل اي حاجة عشانه ومشيو وانا مبسوطة اوي اوي ومرتاحة ان اخيرا لقيت اللي نفسي فيه المهم هو مشي ومن بعدها لا حس ولا خبر الكار*ثة ماما بتحكيلي ان وهي قعدة مع مامته قعدة قالت انها موافقة وشكرت فينا بس قالت كلمة غريبة قالت ربنا يهديه وامي لفت نظرها الكلمة بس معلقتش .. كلمنا عمتي و عايزين نعرف ايه الدنيا قالت دا هو بيقول انه صلى استخارة ٣ مرات ومرتحاش انا بقا سمعت كدة ومن ساعتها وانا بسال نفسي ليه كدة هو انا وحشة
مع العلم انا مش وحشة انا الحمدلله شكلا حلو وروحي حلوة ومن النوع المتكلم واجتماعية وغير كدة معايا مؤهل عالي وشغالة مدرسة انا حسيت احساس وحش اوي اوي احساس الرفض دا اصعب احساس ومن يوميها انا لا باكل ولا بشرب ولا عارفة ارجع لطبيعتي وليل ونهار عياط بس عرفت بعد كدة انه بيحب يتقدم لبنات ويرفضهم وبجد انا مش عارفة ليه عمل كدة ارجوكو محتاجة نصيحتكو لاني هموت من التعب النفسي????????????????