انا متزوجه واخو زوجي معاق
شكلا وطبيعه ومرض زوجي متعلق بي جدا وبيراعيه بس هو عايش مع ولدته وولده واخواته بيت عيله يعني وانا طبيعتي مبقدرش اتحمل اشوفه ولا اقعد قدامه ولا ااكل خالص قدامه
و زوجي بيفرض عليا ان كل كام يوم يجيبه يقضي يوم بالبيات عندنا
وانا من كتر ماانا غصب عني مبنمش بخاف يقوم بعد مانام يفتح التلاجه بحط ايده في الاكل وكده بضطر اقوم ربنا بسامحني ارمي كل اللي في التلاجه من كتر ماانا بقرف جدا. وهو فاهم كل حاجه بيعملها
بس هو مبيتكلمش اخرس يعني لكن عارف يعني ايه اكل وشرب وخروج وسينما وحمام وهكذا
هو في نقطه تعبتني جدا ان زوجي عارف اني بقرف جدااااا جدااااا وبجيب اللي بمعدتي وبرضو مصمم
انى ابقي مضغوطه وكذا مره افهمه باسلوب راقي جدا اني مبقدرش اتحمل خااالص لان اخوه ده بيعمل تصرفات مقدرش اقاوم اني اجيب اللي بمعدتي اسفه في اللفظ يتكرع يعمل روايح بصوت قدامنا وعادى وجوزى شايفني هموت وبجيب اللي بمعدتي ولا كاني موجوده
ويقولي متبصيش عليه طيب ازاى وليه ابقي مجبره وفرض عليا ليه
المشكله ان لو قولت محدش بيراعيه اقول ماشي لكن عنده ام واب واخوات. وانا تعبانه جدا ربنا عالم بيا ان ده طبع فيا وجوزى عارف والله انا مش فاهمه انا اللي اعرفه لو جوزى ده بيحبني زى مابحبه كده هيخاف علي زعلي ومشاعرى
لكن عمرى ماحسيت منه كده لو تعرفو انا عايشه تحت رجله ازاى ومعيشاه سي السيد زى ماالكتاب بيقول
المشكله ان حصل كذا مره انه وعدني انه مش هيجيبو يبات تاني وان يجي يوم يتغدا ويمشي وياخذ واجبه الساعتين ويمشي ويعمل كدا ويحرجني وبعد كده يسيبو قاعد وانا والله والله والله ربنا عالم بيا بتعب اد ايه نفسيا وبفضل صاحيه طول اليوم لغايه بعد الفجر عشان بخاف يقوم يحط ايده في الاكل في المطبخ
بضطر ارمي كل الاكل بجد الموضوع ده مدمرين وغصب عني والله والله موضوع القرف ده
مع العلم ان جوزى بيحب يتمنظر قدام اهله والناس انه بيعطف علي اخوه وبيتفشخر عشان بيحب كلمه ربنا يخليك وتعيش وربنا يزيدك هو بيحب الكلام ده اوى
بس هو عارف اني طبعي لو شوفت حاجه حتي لو في الشارع بقعد بالايام مأكلش ابدا والله ياجماعه دى غريزه فيا وربنا عالم بيا فيها غصب عني
هل يجوز اصلا ان الاخ المعاق ده يجي اصلا عندى واهله واخواته موجودين وببيت واحد لكن انا مش عايشه معهاهم انا كل اللي بقترحو علي جوزى يجي ياخد واجبه ساعه ساعتين وميت فل واقوم بااحلي واجب لكن انه يبات عندى لالا ارجوكم الحل وبما يرضي الله
زوجي مش راضي مصمم يجي ويبات وفرض عليا
وعلي فكره اخوه ده عنده ٤٠ سنه كبير يعني مش صغير