أنا عايزه أحكي اللي ف قلبي
انا كنت متابعه عند دكتور أسنان ومن اول ما شافني حبني وبالاخص لما عرف اني الحمد لله حافظه القران ولاني جميله جدا هو في الاول حاول بكل الطرق يكلمني كل ما اروح يتحجج باي حاجه ويفضل يحكي كتير لحد مافي يوم خد رقم بابا وكلمه واتقدم وقرينا فاتحه وفضلنا مع بعض سنه و٧شهور احلي ايام عمري ? كنا خلاص هانت وهنتجوز وكنا متكلمين كتير وسهرانين للصبح اليوم ده ومبسوطين جداً وقفلنا وراح نام بعد ماصحي بعتلي كل شيء قسمه
ونصيب وربنا يكرمك بالاحسن مني. انا رديت قولتله الحمد لله علي كل حال والله العظيم ماقولتله طيب ليه ولا ايه اللي حصل.
انا يوميا بسال نفسي طيب ليه ليه
بعدها باقل من اسبوع عرفت ان مامته خطبتله دكتوره زيه وانها مكنتش عايزاني من الاول لانها شايفه اني اقل من ابنها وهو مبسوط جدا وبينزل صور علطول ربنا يسعده ويوفقه.
انا الحمد لله مش زعلانه لان الله قدر هذا والله كفيل به وانا راضيه لكن مجرد التخيل انه بقي لغيري بفضل اعيط ليل نهار ونفسيا وجسديا بقيت متدمره انا معنديش اخوات تقف معايا وتقويني وصعبانه عليا كسر قلب امي وعياطها عليا واننا نبص لبعض انا وهي ونفضلوا نعيطوا .
انا بس نفسي افهم ازاي هونت عليه بعد الحب اللي كان بيحبه ليا يعني كل ده كان كدب، طيب انا وحشه، هو انا اقل منه بجد. طب لييه ?
انا قلبي واجعني وواجعني علي امي ?? أستحلفكم بالله تدعولي لاني في امس الحاجه للدعاء. وربنا مايكسر قلب حد ابدا ويريح بالكم جميعآ يارب