السلام عليكم
عاوزة نصيحتكم ليا، انا بنت تعرفت على راجل زميل ليا بالكلية وفضلنا صحاب اكتر من ٣ سنين وبعدها افترقنا، ورجعنا تقابلنا فشغل كان هو اللي رشحني ليه، وبقالنا شغالين مع بعض اكتر من سنتين، مع الوقت اتطورت علاقتنا حبيته وحبني ..الراجل ده مفهوش حاجة ناقصة حرفيا …حنين و قلبه عليا و مراعي لابعد
حد، لكنه مش مؤمن بالقرآن والكتب السماوية كلها، مؤمن بوجود ربنا لكنه مش مصدق بالرسالات السماوية،فالاول فضلت اقنع نفسي انه مسلم لكن فكل نقاش كان يقنعني بنفسه انه مش مسلم و يفضل ينتقد الايات القرآنية، طبعا كدبت على اهلي وكل صحابي انه مسلم وفضلت معاه ما يقارب سنة وكنا
هنتخطب قريب جدا، لغاية ما صحيت فيوم لقيت نفسي كارهة نفسي ومش عارفة ازاي وصلت لهنا، بحبه بس خوفي من ربنا فضل يكبر فعقلي وقلبي لغاية ما بقيت خايفة اموت وانا بغضب ربنا وبكدب، رغم خوفي مكنتش عارفه ابعد عشان هو بجد شخص كويس وميستاهلش حد يجرحه ، فضلت معاه لغاية ما لقيت
نفسي مخنوقة ومش قادرة اشوفه ولا اتكلم معاه زي الاول، صارحته بموقفي و عرفته اني مش عارفة اكمل،سبنا بعض بعد ما جرحني فكلام كتير و مبقيناش منتكلم خالص والمشكلة دلوقتي اني كل يوم مضطرة اشوفه فالشغل واتعامل معاه، شعوري بالذنب تجاهه مش راضي يسبني ومش عارفة اتخطى الموقف
ده لدرجة اني مش بنام غير لما احلم فالمشكلة دي واصحى وانا بعيط، عندي شعور كبير بالضياع، معنديش حد افتحله قلبي واحكيله و مش عارفة اسيب الشغل عشان محتاجة اصرف على عيلتي،ساعدوني ازاي ممكن اتخطى الموضوع وهو جنبي على طول ؟؟