السلام عليكم
انا واحده متجوزه من ٥ سنين وعندي بنت وبشتغل وبصرف مرتبي كله في البيت لان جوزي مرتبه مش كبير ومش بيكفي التزاماتنا وبهلك نفسي في الشغل علشان اخد مكافآت وهو عارف كده كويس والشركه عندي كانت عامله رحله ٣ ايام في العيد لشرم الشيخ للموظفين بملبغ رمزي وهما بيدفعوا الباقي كحافز للموظفين
وكنت عاازه اروح اغير جو لاننا كنا مضغوطين جدا الفترة اللي فاتت والرحله لموظفين الشركه بس ومينفعش حد مثلا زي جوزي او اي حد غيره يجي الرحله ديه وهو موافقش اني اروح معاهم لاني طبعا هسيب البنت معاه ٣ ايام وصمم اني مرحش نهائي حتى لما قولته هسيب بنتي مع ماما
وانت شوف اي حاجه اعملها برضه موافقش يحجه انه خايف عليا وخايف حد يضايقني او يحصلي حاجه مع انه عارف اغلب زمايلي وعارف انهم كويسين ومن يومها وأنا مضايقه ومخنوقه منه وحاسه انه رفض لقلة الثقه فيا مش موضوع انه خايف عليا ومن يومها وانا زعلانه منه والعيد عدى علينا زيه زي اي ايام تانيه حتى مش طايقه يلمسني ولا يقرب ليا
وهو بيحاول يراضيني ويصالحني وانا مش قادرة اتجاوز خالص لأن الثقه ديه اهم شيء بين المتجوزين ومش عارفه اخد رد فعل وارد على تصرفه ده ازاي علشان اقدر اكمل واعيش معاه لاني والله زعلانه اوي منه