مشكلة عضوة
دلوقتي اخويا عمل حادث وحصله كسور وشوية كدمات وودناه مستشفى خاصه واتحجز
المهم بقي هو كاتب كتابه اول رمضان وكان فرحه ف العيد واتأجل بسبب الحادث
خطيبته دي بقي عارفينها من زمان كانوا بيحبوا بعض من اعدادي مثلا يعني فاهمه دماغنا وفاهمين دماغها عارفه أننا ملتزمين ومحترمين
جت يوم الحادث منهاره وتقول مش همشي هفضل معاه
ماما رفضت وقالت لها ميصحش عيب اصلا تقعدي مع خطيبك قالت ده جوزي وانا هفضل معاه فأنا قولتلها بهدوء ميصحش لازم مامته عشان تغيرله وتاخد بالها منه ترد وتبجح وتقول خودي مامتك وروحوا ومش نقصاكم قالت كده بقلة ادب فأنا لسه هقوملها لقيت اخويا زعق وقالي خودي امك وروحي وبطلوا فضايح بقي في المستشفى
بجد امي عيطت ومشينا مقهورين من اخويا ومنها
امي منامتش من القلق عليه وفي نفس الوقت مقهوره منه
بجد موجوعين اوي هو ليه الاخ بيتغير ودايما هي عارفه عنه اكتر مننا
فلوسه بيحوشها معاها واي ورق مهم معاها وأسراره كلها معاها هي
دايما مخليها تحط علينا وبينصر رأيها في اي حاجه حتي مفتاح البوابه والشقه بتاعتهم معاها نسخه منهم
كل ده من زمان ولسه بعد الفرح أما تيجي فوقينا هتورينا الويل
شكلها فظيعه
انا اسفه حتي هدومه الداخليه هي اللي بتشتريها ومن زمان والخارجيه والشوزات هي شخصيه مسيطره جدا
انا بفكر اتكلم معاه إن لازم يتغير لان ماما جابت آخرها وسكرها بيعلي وبتتعب لاقدر الله في لحظه تروح مننا ايه رايكم ولا خلاص هو كده رايح مننا اصلا وخدته تماما يعني مش هيأثر فيه كلامي ?
انا بجد حزينه اوي حاسه اني مليش حد هو اخويا الوحيد اصلا واختي الصغيره ف أولي ثانوي وعلي فكره هي مسيطره علي اختي دي بردو لان اختي للاسف بتاعة مصلحتها ودي بتروق عليها خروجات ومكياج وكده لكن انا وامي المغضوب علينا ?