بصيت لجدي بصدمة وأنا بقوله :
-صحيح الكلام ده… أنت فعلا عملت كده…
مردش جدي… قرب عمر منه وهو بيقوله بغيظ:
رد يا باشا…حفيدتك بتسألك.. يالا
الجد :أنا منصبتش علي حد… أبوك كان محتاج فلوس وباعلي الأرض والبيت -كداب…. انت استغليت حاجته للفلوس وضحكت عليه.. أخدت منه البيت والأرض بملاليم… أبويا مات بسببك
-لا لحد هنا كفاية… أنا مليش دعوة بموت أبوك… يعلم ربنا إني مأجبرتهوش علي حاجة هو أحتاج فلوس وباعلي املاكه لو كنت اعرف أنه هيتشرد بسبب كده ويسيب البلد مكنتش عملت كده
-قدامك فرصة تصلح غلطك…. هات الأرض والبيت وخد حفيدتك
-موافق.
…..
بعد ساعة كانت كل حاجة خلصت عمر اخد حقه وأنا اتطلقت منه….
رحت علي اوضتي من غير ولا كلمة…. اللي عيشته في الأربعة والعشرين ساعة اللي فاتوا كان صعب اووي كان مفروض اقول لجدي الحقيقة بس كأن لساني اتربط لمدة طويلة مقدرتش اتكلم… طلعت من اوضتي وأنا مقررة اقوله كل حاجة…
دخلت اوضته لقيت جدي قاعد علي السرير بتاعه قربت وقعدت جمبه
-أنا مهربتش معاه هو اللي خطڤني والله ده اللي حصل يا جدي… صحيح هربت من الفرح بس هو
ضحك عليا وفهمني أنه هيوصلني وأنا من غبائى وثقت فيه …
-عارف
-ايه.. يعني أنت مصدقني.
مسك أيدي وقال :
-رغم إني قاسي ورغم إني عمري ما بينت ده بس أنا بحبك يا جواهر…. انتي آخر ذكري من ابني… أنا بحبك اووي وبخاف عليكي عشان كده فكرت أن وجودك في البيت قدامي وجوازك بدري هيحميكي من العالم بس طلعت غلطاڼ… بسببي طلعتي ساذجة… بس أوعدك هصلح غلطي يا جواهر شوفي انتي عايزة ايه وانا اعمله
دمعت وانا بقول بصدمة :حضرتك بتتكلم جد… أي حاجة… أي حاجة
-بس في الحدود يا جواهر متستغليش الوضع وتطلبي حاجات خرافية زي إني اكتبلك ورثي مثلا
ضحكت وانا بمسح دموعي وقولت :
-الورث كده كده ليا أنا عيلتك الوحيدة… مسكت ايده وقولت بأمل:
-أنا نفسي اكمل تعليمي يا جدي نفسي ادخل كلية
-عيوني يا ست البنات…
حضنت جدي وأنا مش مصدقة أن اخيرا هحقق حلمي…
بعد سنتين.
-يووه يا جدي يعني كان لازم تيجي معايا القاهرة.. هو أنا ھهرپ ده أنا رايحة الكلية.
-اكتمي يا بنت عايزاني اسيبك في بلد طويلة عريضة كده لوحدك فشړ أنا هقعد معاكي لحد ما تخلصي سنين الدراسة كلها
ضحكت وانا بحضنه وبقول :
-ربنا يخليك ليا يا احلي جد
-ويخليكي ليا يا ست البنات.. بعدين زقني براحة وزعق :
-يالا يا بت بلاش مياعة القطر وصل خلينا نلحقه… ومسك أيدي وشدني وراه وانا بضحك وبشكر عمر في سري… أيوة بشكره بسبب لعبة lلانتقام بتاعته جدي عرف غلطه.. جدي سمحلي أحقق أحلامي والدراسة كانت أكبر حلم ليا .
تمت
النهاية