-بتجري ليه يا آنسة؟!!.
وقفت فجأة وأنا مخضوضة لما شوفت عربية ملاكي ماشية جمبي وشاب بيكلمني…
-يعني واحدة لابسة فستان فرح وبتجري هتكون بتجري ليه أكيد هربانة من فرحها! ايه الذكاء ده؟
حسيته lتصدم بس مهتمتش بيه ومسكت فستاني وكملت جري… بالمناسبة أسمي جواهر بنت بسيطة أهلي ماتو من أنا وعندي ستاشر سنة وعشت مع جدي… جدي عيشني أسوأ أيام حياتي… بالنسباله البنت مكانها المطبخ بسببه مكملتش تعليمي ودلوقتي عايز يجوزني لواحد معرفهوش… ساعتها قررت أن كده كفاية lلموټ أهون ولا اتجوز بالطريقة دي… قررت أهرب منه واسافر القاهرة..
لقيت العربية لسه بتمشي ورايا… قلبي ۏقع لما لقيت العربية وقفت فجأة ونزل منها واحد غريب… رجعت لورا بخوف وانا بقول برعب :
-عايز ايه يا جدع أنت…. أبعد والا هصوت وألم عليك أمة لا إله إلا الله ولا كمني عروسة هربانة هتفتكر إني هخاف!….
قرب مني أكتر ساعتها مقدرتش اسيطر علي نفسي وقعدت علي الارض وأنا بلطم وبقول :
-يارب في اليوم اللي أقدر أهرب فيه من استبداد جدي يطلعلي واحد قالت ومعتصب يكون عايز يقتلني ويأخد اعضائي…. يارب ايه الحظ ده!!
-قتل ايه وأعضاء ايه انتي عايزة تلبسيني جريمة!!! أنا شفتك بتجري في حد مقطوعة زي دي وشهامتي خلتني اسألك لكن أنا غلطان صحيح خيرا تعمل شرا تلقي… أنا ماشي سلام!!
وفعلا كان هيركب عربيته قمت ووقفته وأنا بقول :
-استني يا استاذ!! أنت ايه مفيش رجولة… مفيش نخوة…ازاي تسبني في حتة مقطوعة زي دي!! اعتربني أختك يا أخي!
-مفيش فايدة!! انتي مجنونه يا آنسة!!!ما أنا نزلت من عربيتي عشان اساعدك وانتي هزقتيني!!!.
-ما هو أنا كنت خايڤة منك افتكرتك قاتل ومجرم وهربان من lلسجن وعايز تاخد اعضائي..
اتعصب عليا وقال :
-يا ستي هو ده منظر قاتل ولا أسلوب قاتل ومجرم!!
-مش بالشكل علي فكرة ياما شباب سايكو كتير مستخبين تحت عباية الرقي…
-أيوة انتي عايزة ايه دلوقتي؟!
يتبببببببببببببع