بيت أم سناء

بيت أم سناء هو البيت الأغرب في شارعنا والأكثر رعبا،لا حد بيدخله ولا حد بيطلع منه، بيت مكون من دور واحد – لا تعرف هو أرضي ولا علوي – قديم ومتهالك بصورة كبيرة، أقدم بيت في الشارع، بل في العالم من وجهة نظري، رغم إن بيوت شارعنا كلها قديمة، إلا إن بيت أم سناء ليه طابع خاص،

لبنائه العجيب، ولوجود أم سناء فيه، الست اللي شعرها أبيض منكوش وجلابيتها السودا المرقعة الرثة اللي مبتغيرهاش، وقعدتها في البلكونة من نص الليل لقبل الفجر، لا نعرف هي جت منين، ولا ليه اسمها أم سناء من الأساس، كل اللي نعرفه عنها حكايات أباءنا وجدودنا، وإنها ست مُعمرة، تعدى عمرها 150 سنة وزيادة،

حكايات تبان خزعبلية لينا كأطفال، الناتج منها ټخۏېڤڼl عشان نسمع الكلام، زي حكايات أبو رجل مسلۏخة، وبياع العسل وبتوع الروبابيكيا والساكسونيا، لكن مكناش بنصدق غير حكاية واحدة بس، حكاية أمنا لڠۏلةو أم سناء بمعنى أوضح..

مكنش حد بيجرؤ يعدي من قدام بيتها في وقت قعادها في بلكونتها، واي حد كان ظروفة بتجبره ينزل أو يرجع متأخر، كان بيلف من أي شارع موازي لشارعنا عشان متلمحهوش، ومفيش حد شاف منها أي حاجة غريبة، لكن الحكايات عنها مكنتش بتنتهي ومنها:

* إنها ساحرة بتسخر lلچڼ لخدمتها وعندها عشيرة كاملة ساكنة معاها في البيت، وهما اللي بيجبولها طلباتها واحتياجتها .. وكنت بتوقف عند الحكاية دي وانا طفل، واتمنى لو كان عندي عشيرة تنزل تجيب طلبات البيت مكاني.
* وحكاية انها اتجوزت شيطان وخلفت منه سناء، وبعد ما خلفت lلشېطlڼ خد سناء وراح العالم السفلي فهي lټ’چڼڼټ.
* وحكاية تالتة ان جوزها كان ډچlل، ومرة حضر شيطان فالشيطان اعجب بيها، فسحرها ۏچڼڼھl ۏقټل جوزها ۏlخټڤى..

فضلت اسمع الحكاية دي سنين وسنين، من وانا عدي 4 سنين لحد ما دخلت أولى جامعة، وفي ليلة أم سناء مخرجتش البلكونة، الناس استغربوا، لكن الأمر عدى ليلتها بس، وبعدها ولمدة أسبوع كامل، أم سناء اختفت تماما! ده كان غريب جدا على أهل الشارع اللي اتعودوا يشوفوا ام سناء في بلكونتها لاكتر من 50 سنة مثلا! كل ليلة ودون انقطاع، ومفيش مرة سمعنا ان ليلة عدت وام سناء مخرجتش قعدت في بلكونتها؟!.

يتببببببببببببببع