بعدما خلص وغسلتله وشه رجع عبدالرحمن فايق واحسن مما كان لما وصلنا عند الشخ. والشيخ قال لزوجي ابنك كان معموله سـ،ـحر سفلي بالموت والي عمل السحر عمله على جزئين حاجة من اثره هدوم او اي شئ ورماه في مجاري وحاجة تاني لازم تكون ملازمه ابنك علشان السحر يتجدد وميتفكش الا بموته.
وطلب مننا انه يروح معانا حالا للبيت لان الولد لو قرب من الحاجة التانية الي معمول عليها السحر هيرجعله السحر تاني. واول ما وصلنا دخلنا اوضة عبدالرحمن وقلبناها كلها واحنا بنفتش الشيخ
لقي الحظاظة الي فيها جمجمة واول ما مسكها وشمها استعاذ بالله وحطها في مية وملح وقرأ الرقية وبعدين ولع فيها لحد ما اتفحمت ورماها في الحمام. ورجع سال عبدالرحمن انت جبت الحظاظة دي منين دي هي الشئ الي مكتوب عليه سـ،ـحر وطلاسم علشان يأذوك.
عبدالرحمن قال بصراحة انا مجبتهاش دي عمتي كانت عندنا من فترة وجابتلنا هدايا وادتني الحظاظة دي بدون ما ماما او بابا يشوفونا وقالت ان هي جابتهالي لان الشباب في سني بيلبسوها وقالت متقولش لبابا لانه مش بيحب الحجات دي. انا هنا انفجرت وقولت عايدة عايزة تموت ابني ده ليلتها فعلا باتت في اوضته يبقي خدت حاجة من هدومة حاسدة ابني وحاقدة علىه ومستكتراه هو وابوه على.
وتاني يوم جوزي راحلها البيت وواجها وهي مانكرتش وقالتله ايوه هي بتكرهني وبتكره ابني لانه احسن من بنتها وعنده كل حاجة ومرتاحين وهي وبنتها مش شايفين الراحة. جوزي ضربها بالقلم وقالها انا هعتبرك موتي وملش اخوات. وبعد فترة عايدة اطلقت ورجعت تعيش مع حماي وحماتي في البيت ومن يومها بطلنا نزورهم بسبب وجود عايده عندهم بس هم ديما بيزورونا، ماحنا خلاص استحالة نأمنلها تاني.
اما عايدة وبنتها فحالتهم ما اتحسنتش خالص من اسوء لاسوء للاسف لأن الي مش بيرضى بقضاء ربنا بيوث السخط والإنسان ملوش من أمره شئ وكله بيد الله. وحقيقي أنا مش عارفه إيه الي يوصل إنسان لمرحلة الكفر لمجرد إنه يأذي حد تاني.