رواية جوزوني عجوز (كامله جميع الفصول) بقلم هويدا زغلول

وفي الوقت ده لقيت اسلام قام وقف
وأحمد قال

احمد _ اي مالك فيك اي شكلك عامل ليه كده

اسلام _ معلش افتكرت ورايا مشوار مهم ولازم
اروح

دعاء _ ليه يا استاذ اسلام مينفعش تمشي
الا لما تدوق اكل حماتي ندي دي طول اليوم
وافقه في المطبخ علشان تعملك الاكل

اسلام _ تتعوض باذن الله وبعدها بص ليا
وقالي مبروك يا مدام ندي ، ومشي وانا
بصيت ل دعاء وقولت ليها

ندي _ ليه عملتي كده حرام عليكي يا شيخه
انتي اي جايبه الغل ده كله منين ، وبعدها طلعت شقتي ومصطفى قام وقال

مصطفي _ هو فيه اي بالظبط وليه بتكلمك
بالطريقه دي

دعاء _معرفش والله يا حمايا زي زيك بالظبط
والله ، وبعدها طلع مصطفي

احمد _ هو فيه اي بالظبط يادعاء

دعاء _ مش عارفه بس شكل اسلام ده كان
فيه حاجه بينه وبينها وفي شقتي كنت قاعده
عامله اعيط ودخل مصطفي وقالي

مصطفي _ مالك يا ندي فيه اي

ندي _ بجد لو عايز نكمل جوزنا مع بعض لازم
نمشي من البيت ده

مصطفي _ لا والله امشي من بيتي ليه
انشاء الله وعايز افهم انتي وشك قلب ليه
لما شوفتي اسلام

ندي _ اسلام ده كان خطيبي ودعاء عارفه الكلام ده اتعمدت انها تجيبه هنا انهارده علشان تضايقني

مصطفي _ اه تمام وبعدها سابني ومشي ونزل
قدام المحل بتاعه وقال لنفسه

اي اللي انت عملته في نفسك ده يا مصطفي
ازاي تتجوز عيله من دور عيالك ظلمتها وظلمت
نفسك معاها

وفي الوقت ده جه واقعد معاه صاحبه حسين

حسين _ مالك يا مصطفي عامل تكلم نفسك
ليه

مصطفي _ اقعد يا حسين عايز اتكلم معاك
طبعا انت عرفت ان اتجوزت ندي

حسين _ هو انا بس اللي عارف الدنيا
كلها عارفه ومتعرفش الناس بتقول عليك
اي

مصطفي _ انا حاسس ان غلطان والله بس
مش عارف أصلح غلطتي ازاي معقول أطلقها

حسين _ اعمل اللي يقولك عليه ضميرك لو
حاسس انك ظالم البنت دي طلقها

وفي شقه دعاء اخدت رقم اسلام من تلفون
احمد واتصلت بيه وقالت

دعاء _ مساء الخير يا استاذ اسلام انا دعاء
مرات احمد بصراحه انهارده عرفت ان بالصدفه
ان ندي دي كانت حبيتك الاولي

اسلام _ اهلا بيكي كل شيء قسمه ونصيب
وخلاص هو نصبها كده

دعاء _ بجد مش عارفه ازاي تسيب واحد زيك
علشان خاطر الفلوس بجد هو فيه حد ندل
كده

اسلام _ هو حضرتك عايزه ايه بالظبط انا مش فاهم

دعاء _ عايزاك تاخذ حقك منها ما ينفعش تسيبها كده

اسلام _ ندى ما بقتش في دماغي اساسا خلاص كل شيء راح لحاله وانا مش عايزه افتكرها تاني لو سمحت

دعاء _ مش بسهوله كده لازم تتعاقب على اللي هي عملته ازاي تسيبك وتروح تتجوز راجل كبير وبصراحه حماتي صعبانه عليا جدا ما تعرفش حماتي ست طيبه ازاي

اسلام _ مش فاهم هو ايه المطلوب مني بالظبط

دعاء _ انك تفضل تكلمها في التليفون وتعشمها هي لو اتطلقت هترجعلك لحد بس ما تطلق

اسلام _ هبقي اشوف واكلم حضرتك وبعدها
قفل السكه ودخل احمد اوضه دعاء وقالها

احمد _ ايه خير كنت بتكلمي مين

دعاء _ كنت بكلم ماما تعال اقعد هو انت تعرف ان احمد صاحبك ده كان خطيب نزل الاولاني

احمد _ لا معرفش وبجد مش قادر اصدق
بس هو انسان محترم جدا واكيد هو مجاش
الشركه عندي علشان خاطر ان انا ابن مصطفي

دعاء _ خليك عبيط كده الناس كلها كويسه اكيد هو عارف الموضوع ده

احمد _ المهم ان مش هينفع يجي البيت هنا تاني علشان خاطر ابويا

دعاء _ وهو انت تخسر صاحبك ليه كبر دماغك
وانت ملكيش دعوه خلاص

احمد _ انا نازل اشوف بابا وانتي شويه وانزلي
شوفي ماما لأنها اكيد مكلتش برضه

دعاء _ اكيد طبعا وبعدها نزل ودعاء قالت
بقى انا رتبت لكل ده وخليت اسلام يجي الشركه عندك وفي الاخر عايز تهديلي كل حاجه كده بسهوله

وبدأت تفتكر اللي حصل زمان

# فلاش باك

احمد عامل يتكلم في التلفون

احمد _ عادل عايز يمشي براحته بكره اجيب 1000 محاسب الدنيا مش واقفه عليه يعني وبعدها
قفل السكه ودعاء راحت جنبه وقالت

دعاء _ ايه ده يا حبيبي مالك متضايق ليه كده

احمد _ ما فيش شويه مشاكل في الشغل باذن الله هتتحل انا نازل وبعدها افتكرت ان اسلام
بكالوريوس تجاره وبعدتت حد ليه علشان يقولوا
ان الشركه اللي فيها احمد طالبه محاسب
وفعلا راح واشتغل

# رجوع

كنت قاعده في شقتي ولقيت مرات
مصطفي طالعه ودخلت الشقه وانا قولت

ندي _ بسم الله الرحمن الرحيم هو انتي دخلتي الشقه ازاي

كوثر _ حبيبتي انا معايا مفاتيح الشقق العماره دي كلها وبعدين انا ما يتقاليش ليا ازاي تاخدي كام وتبعدي عن البيت ده

ندي _ للاسف مش هينفع اهلي مش هيرضوا اني اطلق من مصطفى

كوثر _ اهلك ولا انت اسمها بنت انت انا فاهماك على حياتي كويس قوي بس عايزه اقولك ان الجوازه دي مش هتكمل كثير

ندي _ والله انا نفسي يحصل النهارده قبل بكره انا مش عايزه مشاكل

كوثر _ من يوم ما شوفتك وانا قولت عليكي مش سهله وبعدها سابتني ونزلت
وعدا كام شهر ومصطفى مبقاش يطلع
الشقه خلاص وفي يوم بعت ليه

مصطفي _ خير في ايه عايزاني ليه

ندي _ هو انا عايزه اعرف انت متجوزني ليه متجوزني عشان تحبسني في الشقه هنا
ومش بقيت تطلع ليا خالص

مصطفي _ انتي اللي وفقتي تتجوزي واحد
متجوز يبقي لازم تستحملي بقي

ندي _ بس حرام مش كافيه متجوزاك وانت
اكبر مني ب 40 سنه عالطول سايبني لوحدي

مصطفي _ هي دي عيشتي وان كان. عجبك
بقي وبعدها سابني ونزل وانا روحت
بيت بابا ولقيت بابا اول لما فتح الشقه بيقولي

الاب _ اهلا اهلا ب ست العرايس اي ده هو انتي
جايه ب ايدك فاضيه مش هاين تجيبي معاكي
حاجه ولا اي

ندي _ انا عايزه اطلق يا بابا و انا سبت بيت مصطفى خلاص

الاب _ نعم يا روح امك بتقولي ايه ومين قالك بقى ان انا هفتحلك بيتي لو انتي اتطلقتي

ندي – هو انا مش بنتك ان ما بصعبش عليك حرام عليك الطريقه اللي انت بتعاملني بيها دي بجد انت ما تعرفش انا عايشه ازاي في البيت ده

الاب _ عايشه ازاي يا اختي ما انتي قاعده تاكلي تشربي نايمه ببلاش بقولك ايه يا بنت انتي انا معنديش كلمه طلاق دي

يتبببببببببببببببع