انا للاسف بقيت كارها نفسي وكارها حياتي ومبقتش اصلي ولا رمضان ده صليت فيه كويس ولا حتي ختمت قران
مبقتش اكلم حد واهلي يرنوا عليا مردش واقفل التليفون
ولا باكل ولا عارفه اعمل اكل لعيالي
وعندي كسل مش قادره اعمل اي حاجه خالص
ومتخانقين انا وجوزي من العيد
وشتمتوا ودعيت عليه بس انا اللي لساني طويل وضربني بالقلم عشان غلطت فيه
ومش بنكلم بعض
ولا عارفه اعمل اكل خالص للعيال ولا ليه ولا انا باكل اصلا لما بحس اني جعانه قوي اكل لقمه بسيطه واشرب مايه
وعيالي لسه اطفال كل ما يقولولي جعانين اقولهم روحوا كلوا اي حاجه او خدوا بسكون
وشعري كله شابك في بعضه ومتعقد
واجازات العيد وخدينها خناقات ع حاجات تافهه لحد تالت يوم لما ضربني وقالي اقسم بالله كرهتك ومش طايقك ومن ساعتها مش بنكلم بعض
وهو طول النهار في الشغل
واهلي زعلانين عشان مش برد عليهم ولما بيرنوا اقفل التليفون
اقسم بالله ما طايقه نفسي ولا طايقه حد ولا قادره اكلم حد
ولا حتي عارفه ابكي مش قادره ابكي يمكن لو بكيت ارتاح شويه مفيش غير خنقه وخوف وقبضه قلب وكوابيس واصحي جسمي بيترعش من الخوف
وعايزه انام وخلاص مش قادره اعمل حاجه
ودايما بضيع اي مناسبه حلوه يعني ايام العيد قالي بلاش نكد الكام يوم دول وبرضو المشاكل بتيجي من تحت الارض وباسباب تافهه كان عندي فرح تالت يوم العيد وبرضو مرحتش وفضلت ادعي عليه واشتم فيه وبرضو مش عارفه ابكي ولما ضربني مش عارفه ابكي مع ان اول مره يمد ايده عليا
ولا انا قادره اكلموا ولا هو راضي يكلمني مش طايقين بعض
وهو طول الوقت في الشغل وانا نايمه
وكارها نفسي وحاسه بخوف
وياريت حد مقدر ولا بيحس بحد
انا لما بتخنق مش بطيق حد
انا جوايا حاجات كتير مش عارفه احكيها ولا حد هيحس بيا
انا عايشه كده وخلاص