السلام عليكم ،انا يا جماعه ليه اخت متجوزه بقالها سته شهور واكتر شويه اخر مره جات تزورنا سمعتها بتشتكي لأمي عن حاجه مقلقاها ومش عارفه السبب ايه ،انا مأخدتش في بالي
وقولت ده كلام بين الام وبنتها ستات مع بعضها يعني واهي بتفضفض لامي وكده ،المهم بعدها بأسبوع واكتر كنت ماشي
بالعربيه في شارع قريب من الشارع اللي متجوزه في اختي لان في الاصل جوز اختي كان جارنا واتجوزوا في بيت العيله
،لاقيت راجل جارنا انا اعرفه بيوقفني بالعربيه بليل اوي وقالي خد يا حسام النمره دي كلمني عليها انا عايزك في موضوع مهم ، روحت ولاقيت ابويا قاعد عند دخلت بيتنا فحكيتله اللي
حصل قالي خلاص يابني كلمه شوفوا عايز ايه ،قولتله ليه هو لو عايز حاجه كان كلمني وانا اكلمه ليه قمت مطنش الموضوع ،وبعدها بكام يوم لاقيت امي وابويا بيىزعوا مع بعض وامي
بتقوله البت مش مرتاحه وابويا بيقولها هي الحامل كده بتبقى مقريفه عرفت انهم بيتاركوا في موضوع يخص اختي ،فبسأل امي في ايه قالتلي ان اختك حاسه في حاجه غريبه
بتحصل عندها في البيت ،حاجه ايه دي قالتله ان حماها لاقيته ب.م ابنه ووشه مقلوب فلما نزلت على صوتهم قالولها اصل الحكايه بخصوص فلوس وكده بس اختي مش فاهمه
فلوس ايه ده جوزها على قد حاله اصلا والحكايه ماشيه معاه بالعافيه لانه يعتبر عريس جديد عقبال ما جهز نفسه كان شطب على اللي وراه وقدامه ، قولتلها خلاص يا امي متشغليش بالك ده الجواز كده في اوله بيبقى في دربكه ،
يتببببببببببببببببع