السلام عليكم ممكن تنزل المشكلة من فضلك
انا مشكلتي اني ات في القاهرة احنا اصلا من محافظة في الصعيد
المشكلة عندي ان اي حد من اهلي يقضي مصلحه في القاهرة
بينزل عندي بابا ماما اي حد من اخواتي يعني مثلا كل كام شهر
ممكن حد يجي يومين او ثلاثه حسب مشواره والله مش بيجوا بأيديهم فاضيه ابدا
انا اهلي ناس مستورة الحمد الله يعني يقدروا ياجروا او ينزلو في فندق
بس بيحبوا يجوا عليا ويشوفوني وبيشوفوا عيالي
ويجيبوا زيارة ليا من كل حاجه لاني انا بنتهم الكبيره
جوزه من ٥ سنين والوحيده اللي بعيد عنهم
و المشكلة دلوقتي ان جوزي واهله بقى يضايقو جدا من زيارات أهلي ديه
وامه دايقولي كلام وبيقابلوهم وعاوزني اقولهم المره اللي جايه
اي حجه علشان ميجوش علينا وياجروا او ينزلوا في فندق
وانا طبعا مستحيل اقول لامي او ابويا كلام زي ده وقلبي يتقهر عليهم
وحتى اخر مره جولي جوزي عاملهم معامله ه اوي اوي
وانا زعلت منه بس عديت الموضوع مع العلم لما بنروح عندهم
والله بيشلونا شيل من على الارض انا دلوقتي مش عارفه اعمل ايه
وايه الحل مع جوزي واهله لأني بين ين ارضي جوزي واجي على اهلي
او اخسر جوزي علشان اهلي ومش عارفه اعملي
انا مشكلتي كبيره والله بس انا اختصرت كتير بس مش عارفه اعمل ايه بجد