كنت معزوم عند امي ع الغدا انا و مراتي و هي رفضت تساعد امي فالبيت وقت العزومة رغم ان سلفتها (مرات أخويا ) و اختي من امبارح بيحضروا الغدا مع امي فبقول لاختي كفاية عليكي ارتاحي و مراتي هتغسل المواعين لقيت مراتي رفضت و علت صوتها قولتلها تمام ولا يهمك و اختي غسلت
هي و عدى اليوم و اول ما روحنا قولتلها بيت امي هتروحي ضيفة فيه و تاخدي واجبك و تمشي او ماتروحيش خالص و ده افضل احنا اخين و انتي و مرات اخويا و اختي بقينا خمسة مع بعض هتفرقينا يبقي خليكي بعيدة عنهم و زيك زي اي ضيف كل فترة يروح و انا هوديهم قالتلي روح لوحدك بس طلقني قبلها لو راجل طلقني
سكت و اخدتها بيت ابوها و اول ما دخلنا قولتله سلمتلي بنتك عروسة و رعيت ربنا فيها
النهارده جاي اسلمهالك و هي طالق مني و حقها هيوصلك
و رقمها مشفوش عندي و لا المحها حتى
و اخدت نفسي و مشيت و لقيتهم من ٤ ايام جايين لامي بيتوسلوا اني ارجعها قعدت معاهم و رحبت بوالدها بس رفضت الكلام معاها
وقولتلها انتي مجرد ضيفة هنا لكن رجوع تاني و حياة بينا خلاص انتهى
و امبارح راحتلي مكان شغلي و طلبت ترجع تاني .