مشكله ….
انا تخينه ٩٠ك وسمرا جدا
ومن كتر ما قالولي انت دميمه وهتعنسي زى عمتك بقيت مهمله حتي ف لبسي
من سنه وانا عندى ٢٢ سنه دبلوم تجاره وقاعده بالبيت
روحت لدكتور اسنان شاب شبه وليد توفيق وهو صغير بالضبط
قالي عاوزه اخطبك قلت له انا ؟
قالي اه عيلتنا كلها نحيفه وبياض كالح وانا كان نفسي اجمع السمار مع البطه
وقالي طبعا ده مش كل حاجه هنتعرف لو اتفقنا نكمل
واتفقنا وكتبنا الكتاب علشان قالي نخرج ونتفسح براحتنا
وكل الناس مزهوله فرق بينا ٩ سنوات ومعاه سياره وشقه محترمه والغريب ان والدته واخواته بيعاملوني كأني ملكه جمال …والشبكه ب ٥٠ الف غير هدايه مامته واخواته الدهب
طيب فين المشكله ان كل صحباتي بقوا يقولولي ف وشي يا بختك وكل دى شبكه
وقرايبي يقولولي انت سحراله؟
وبنات العيله بيقولولي عملتي السحر فين
يوم الخطوبه اغمي عليه بدون سبب وعلقت محلول والخطوبه باظت
قلت يمكن من فرحتي
بعدها جالي البواسير
وعملت اللوز
د لوقتي كل ما اخرج
يا عجله العربيه تفرقع
يا نعمل حادث
وجه يمسك ايدي كان رد فعلي
في منتهي السفاله واتخاصمنا
وهو اللي صالحني
انا خايفه يفكرني نحس
بقيت اتهرب من الخروج معاه
ماما بتقولي انت محسوده
طب اعمل ايه ؟تقولي معرفش
انتم قولولي اعمل ايه بصلي وبقرأ قران ومشغله قران بالبيت
طب اعمل ايه تاني
لو مش محسوده طيب ايه كل اللي بيحصل ده؟