انا خايفه لتحبس لان الشخص اللي اديته الفلوس يجبلي بضاعه نصب عليا قولتلها ولا بهمك اعتبري القرض كله اتسد، ادتني واحده ربنا ما يحرمني منك خلتني وانا بكلمها بدل ما اروح لمحل الملابس اروح الصيدليه اسأله ع شربات.
فاتت السنه والقرض انا اللي بدفع قسطه كل شهر غير الفلوس اللي كانت بتاخدها مني م باب السلف وكله كان ع قلبي زي العسل ولما جيت اقولها ابقى تعالى البنك عشان اعملك مخالصه قالتلي حاضر يا نور عيني وقتها كنت ف البنك وبمضي ع ورق معرفتش امسك القلم بعد نور عيني اللي قالتها وقومت لا إرادياً حضنت عميله كانت واقفه جنبي وكان شكلي زباله.
بعدها بيومين برن مبتردش لقتها جايا البنك وبعد ما خدت المخالصة لقيت واحد داخل بيقولها خلصتي قالتله اه ف بقولها مين ده قالتلي خطيبي واعمل حسابك انت معزوم ع الفرح كمان شهر وسابتني ومشيت .. ف انا صعبت عليا نفسي م القرض اللي سديته بسبب نور عيني وروح قلبي اللي كنت بضعف وبسلم قصادهم كأني تحت سيطره أخطر سلا.ح ف العالم وف الآخر تتخطب وتسبني.