قالي بعد كدا اتطمنت وعرفت انها بتراقبني علي الواتساب من الشير لوكشن.. فلما خلصت رحت لمراتي العرفي وركنت عند بيتها عشان تأكدت ان مراتي مطمنه واتصلت بيها وعرفت انها روحت البيت وسألتني انت فين قلتلها قاعد شويا مع أمي بقرأ لها الفاتحة ..
بيقولي نازل من عند مراتي العرفي وانا مطمن ومبسوط لقيت التانية قاعده ليا هي واخوها تحت العمارة اتاريها كانت حاطه ليا gps جهاز صغير في العربية وكل مرة كانت بتيجي تلاقيني راكن العربية بعيد.. المره دي ركنت تحت العمارة لأني كنت مطمن انها بتراقبني بس واتساب..
وعرفت يومها اني متجوز عليها عرفي قبل ما اتجوزها أصلا.. فأهلها خلوني أطلقها غصب عني..
بس أنا أعمل أي حاجة عشان أرجع لها .. انا طلقت مراتي العرفي دي عشان بس تسامحني ونرجع..
بقوله قد كدا بتحبها وندمان..
قالي مش قصة ندمان وبحبها.. بس هي دي الست اللي عايز عيالي ياخدوا من ذكائها..
أنا لو جبت عيال في مستوى ذكائي مش هيعرفوا يعيشوا.. دي اللي هتحسن نسلي..
فبقوله طب يا ناصح ليه ما قفلتش النت بتاع الداتا ورحت مشوارك وفضلت تركن بعيد زي مانت وبكدا مش هتعرف مكانك..
لقيته بصلي وقالي.. عارف لو فيه منك على ست.. والله ماكنت رحت رجعتها كنت اتجوزتك انت ..