الفصل الاخير
هو ده هو ده نفس الفستان يا ماما
فستان ايه يافاتن تقصدي ايه
يا ماما ارجوكم صدقوني سمر فيها حاجه غريبه امبارح لما قولتي انها كانت قاعده ماسكه الموبايل فاتحه النت في نفس اللحظه اتبعتلي اضافه من ايميل غريب عليه نفس صوره الفستان دي وبعتلي صورتي بنفس الفستان ومكتوب جنبها فاتن خمسه
اهدي يابنتي انتي جواز اخوكي موترك انا مقدره اللي انتي فيه بس اللي بتقوليه كلام مجانين خطيبه اخوكي بنت جادعه وجميله واحنا ما صدقنا ربنا يهديه يابنتي
قاطعت كلامنا سمر وهيا داخله في أيدها ورد حطته جنب راسي
الف سلامه عليكي يا فاتن وطت راسها وباست راسي قربت من ودني وقالت
ماتقريش من الكتاب تاني .
ابتسمت ورفعت راسها جسمي كله كان بيرتعش وانا ببص علي وشها البرئ وهيا باصه لماما وبتكلمها
______________
خرجت من المستشفي وبعدها بفتره ماما طلبت مني احاول اتقرب من سمر وانزل اشتري بقيت الجهاز معاها برغم كل اللي حصل وافقت في سبيل اني اثبت ليهم اني مش مجنونه
نزلت معاها هيا ومامتها كنا واقفين بنشوف اللبس كل ما كانت تمسك قطعه بحس برعشه غريبه في جسمها مامتها كانت سنداها بايديها من ضهرها وكل شويه تبصلي بتوتر الموضوع ابتدأ يبقي ملحوظ لماالرعشه في جسم سمر زادت حتي البياع خد باله وسالها لو كان فيها حاجه
حاولت اتعامل عادي ومديت ايدي اختار معاها اللبس ايدينا احنا الاتنين لمست نفس البلوزه فاجأه حسيت اني بدوخ المكان بدأ يلف بيا وسط نظرات الناس عليا وصراخ والده سمر وابتسامه سمر الخبيثه ليا حسيت اني بقع اول ما راسي اتخبطت في الارض شوفت نفسي في غرفه بيضه تماما كنت لابسه الفستان بتاع سمر وواقفه في نص الاوضه الفستان كان زي النار علي جسمي كنت بصرخ وانا بحاول اقلعه لحد ما شوفت بنت في زاويه الاوضه قاعده في وضع الجنين شعرها مغطي وشها كانت نحيله جدا و بيصدر منها صوت زي انين خافت صوت حد بيتالم قربت منها ببطئ اول ما لمستها صرخت وقامت تجري عليا كنت بصرخ وبزحف علي ضهري لورا قربت مني وانقضت عليا كانت عماله تصرخ بهستريا شعرها كله وقع اول ما قربت من وشي كان بيتطاير حوالينا في كل مكان وهيا بتصرخ اسنانها كانت بتنزل دم بس عينيها ؟
عرفتها من عينيها دي عين سمر !!!
ايديها ورجليها كانت متسلسله مكانتش قادره تقرب مني اكتر من كده بعدت عنها وقعدت علي ركبي ببصلها
ندهت عليها بصوت كله خوف سمر انتي سمر !!
بدأت تهدا والصراخ تحول لبكاء عالي بصوت مرعب
ارجوكي انقذيني حرريني منها ارجوكي خليها تسيبني ساعديني
هيا مين دي فهميني يا سمر انتي ايه اللي عامل فيكي كده ؟؟
والله ما كان ليا ذنب يافاتن
ذنب ايه ؟؟
اسالي ماما عن السر اساليها قوللها ده اللي هيساعدني
كنت لسا هسالها تقصد ايه
لقيت الاوضه بتلف بيا جامد بقيت امسك في كل حاجه في الحيطان والأرض كنت بقاوم عشان ما اقعش سمعت صوت سمر بتصرخ شوفت طيف اسود بيدخل جواها بدأت تصرخ بصوت اعلي الحديد في ايديها ورجلها اتفك اول ما قامت جسمها بدأ يصدر صوت عالي ومزعج كأن عضمها كان بيتكسر بدأت تصرخ اعلي وهيا بتبكي وتبصلي وتهز رأسها كانت بتبكي وتطلب مني المساعده وتصرخ وانا مكنتش مش قادره اعمل ليها حاجه
سمر قعدت علي الأرض علي ركبها وبدأت تزحف علي ايديها عشان توصل ليها صرخت وحاولت اقوم بس من كتر سرعه الاوضه وهيا بتلف كنت بقع ايد سمر وصلت ليا بدأت تخدش في جسمي لحد ما خلعت الفستان من عليا كنت بصرخ وانا بتوسل ليها تسيبني في حالي
جسمها كان مكسو ب شعر اسود سنانها كانت بتطول لحد ما اتحولت لانياب كبيره كانت شبه الذئب بس علي ابشع لبست الفستان ورجعت تاني لشكلها الطبيعي سمر البنت الهاديه اللي اعرفها ابتسمت ليا وقربت من وشي مسحت عليه بايدها الغرفه
توقفت عن الدوران وكل حاجه بقت هاديه لحد ما سمر قربت وشها من وشي وبدأت تهمس
** خدامي كتفوها .**
في أيادي بدأت تطلع من الأرض وتمسك كل اطرافي كنت بصرخ وبحاول اتحرر منهم ومقدرتش جسمي كان عاري تماما سمر قربت مني وبدأت تبكي
انا اسفه يا فاتن انتي ملكيش ذنب انا اسفه بس انا كمان مليش ذنب وشها كان بيتحول لقوانين بين ملامح الشر وملامح سمر العاديه طلعت قلم من جيبها وبدأت تكتب علي جلدي وسط صوت همس من كل اتجاه مع تاني غرزه للقلم في جسمي
فوقت علي صوت اخويا وهو بيصحيني وبيرش علي وشي ميه
فاتن !! انتي كويسه ! حاسه بايه تحبي اوديكي المستشفي
مسكت بطني وفضلت احسس عليها رفعت البلوزه وبصيت علي جسمي مكانش في اي اثر لاي حاجه
كريم نزل البلوزه وزعق فيا
انتي مجنونه ولا ايه بتعري نفسك انتي اتجننتي
سمر قربت منه
اهدا يا كريم عيب كده اختك تعبانه شويه ومش مركزه
بصتلي وابتسمت وخدت كريم ومشيت والده سمر كانت قاعده جنبي بتبصلي بحزن وخوف
قربت منها ومسكت أيدها وسألتها
انتي عارفه اللي بيحصل صح ؟ انا مش مجنونه ؟
انتي مش مجنونه يافاتن
طب فهميني في ايه انا ايه بيحصلي بنتك فيها ايه ؟
بنتي ملهاش علاج يافاتن غير رحمه ربنا
انا شوفت سمر .. مش سمر دي لا سمر بنتك الحقيقيه
بصتلي بخوف وهيا بتسحب أيدها من ايدي
سألتها بسرعه
سمر عملت ايه وسر ايه بينكم؟؟ هيا اللي قالتلي كده وقالتلي اسالك.
اتوترت وهيا بتبصلي وقامت بسرعه
انتي اكيد مجنونه اكيد سيبيني في حالي .
سابتني ومشيت اخويا شافها وراح سألها في ايه معرفش قالتله ايه بس لقيت اخويا جاي يشدني من ايدي وزقني في أول تاكسي وروحنا اول ما وصلنا للبيت رماني علي الكنبه وبدا يزعق فيا
انا مش عاوزه تقربي من خطيبتي تاني ولا من أمها انتي فاهمه اقطعي علاقتك بيهم انتي فضحتينا قدام الناس الست فكراكي مجنونه
ماما خرجت عليه وهو بيزعق وحضنتني وطلبت منه يهدأ
قالها
بنتك بتحاول تبوظ الجوازه وانا مش هسمح ليها بده .
ودي كانت اخر مره اتكلم فيها مع اخويا
قعدت اربع شهور مشوفش سمر ولا اشوف اهلها ولا اكلم اخويا
في الاربع شهور دول محصلش ليا اي حاجه غريبه افتكرت اني كده بدأت ارتاح بس كنت غلطانه في يوم فرح اخويا البيت كله كان سعيد ما عدا انا لدرجه اني طلبتهم منهم محضرش قعدت في اوضتي ومرضتش اجهز بعد دقائق دخل اخويا عليا قعد جنبي .
فاتن انتي اختي الوحيده واقرب حد ليا انا اسف لو كنت غبي معاكي انا بس بحب سمر ونفسي افرح ومش هينفع افرح من غيرك
اول مره اشوف اخويا سعيد. قررت البس واروح واللي يحصل يحصل
سمر كانت جميله جدا كل حاجه فيها جميله كانت زي الملايكه
قررت انسي كل حاجه واقرب منها سلمت عليها واحنا في نص الفرح وروحت ارقص معاها قربت مني وحضنتني وقالت
عقبالك في فستان الدم
زقتها ووقعت علي الأرض وبعدت عنها وسط استغراب من كل اللي كان واقف صوت الموسيقي وقف نظره اخويا ليا عمري ما هقدر انساها بصيت علي فستان سمر ولاول مره اخد بالي انها نفس الفستان اللي كان علي النت بس بلون أبيض ماما قربت مني وزقتني وطردتني برا الفرح
قعدت علي الرصيف اعيط شوفت والده سمر قاعده قدامي كانت سرحانه وبتعيط قربت منها واتوسلت إليها
ارجوكي ساعديني الحل معاكي
خدتني من ايدي وركبنا تاكسي حاولت اسالها في الطريق عن اي حاجه مجاوبتش وصلنا لمكان شبه مهجور عرفت انها مقابر
دخلنا وفضلنا ماشين في الضلمه وسط شواهد القبور لحد ما وصلنا لشاهد مدهون ب اللون الاسود شكله كان مقبض كان حواليه زباله كتير مرميه علي الشاهد نفسه ومكتوب عليه
سنيه احمد المسلماني
(سنيه العارجه)
احنا فين ؟
انتي كنتي عاوزه تعرفي يافاتن السر هو ده يابنتي السر
هو فين انا مش فاهمه حاجه مين سنيه دي ؟
سنيه دي اللي بترقص مع اخوكي في الفرح دلوقتي
نعم تقصدي ايه ؟؟؟؟
وانا في ثانوي كنت متجوزه مبقاليش كام شهر
كان في عامله في المدرسه عندنا كانت المسؤوله عن نظافه الحمامات كانت بتمنع اي حد مننا يدخل الحمام المدرسه كلها كانت بتخاف منها حتي المدرسين المدير نفسه مكانش يقدر يمشيها عشان بيخاف منها
كانت دائما قاعده في حمام معين ماسكه كتاب اسود عماله تكتب فيه وتقول كلام مش مفهوم مع انها مبتعرفش تقري وتكتب اساسا
كنا بنعدي من جنب الحمامات نسمع صوت همهمه وانين خافت اوي من الحمام محدش فينا كان يقدر يدخل يشوف في ايه
لحد ما في مره سنيه غابت ودي كانت اول مره وبرغم كده محدش اتجرا يدخل الحمام انا وصحابي اتراهنا اانا ندخل كلهم خافوا ما عدا انا دخلت الحمام كان المكان عادي وطبيعي لحد ما وصلت للحمام اللي كانت فيه دائما لحظي أن الكتاب الاسود كان لسا موجود فتحته وفضلت اهزر مع صحابي واقرالهم الكلام المكتوب بصوت عالي بطريقه سنيه لحد ما باب الحمام اترزع سمعت صراخهم من ورا الباب فضلوا يخبطوا لحد ما الصوت اختفي الاصوات كلها اختفت مكانش فيه غير صوت غناء هادي وعذب جاي من الحمام اللي جنبي
سالت لو في حد هناك بس محدش رد حنافايات الميه بدأت تتفتح كلها الابواب كانت بتتفتح وتتعلق بسرعه صوت الغناء بدأ يبقي اعلي لحد ما شوفتها ست عجوزه في فستان زفاف متبهدل قربت من باب الحمام اللي كنت فيه وسالتني هيا سنيه فين ؟
بلعت ريقي وانا بترعش وقولتلها بصوت واطي *مجاتش*
صرخت في وشي فمها بدأ يبقي أوسع واكبر صوت صراخها خلي الزجاج ينكسر رجلها بدأت يطلع منها شعر ودانها كانت بتطول وانيابها برزت لبرا
اغم عليا وفوقت بعدها باسبوع لقيت نفسي في البيت حواليا صحابي اول ما فتحت عيني سالت علي سنيه لقيتها قاعده وسطيهم بتبصلي بغيظ
عملتي كده ليه ؟دخلتي الحمام وانا مش موجوده ليه قريتي من كتابي ليه ؟؟ فكيتي واحده من خدامي ليه انا يسيطر عليها بكلام معين قريتي كلام عشوائي ليه ؟؟
كنت خايفه منها ومش فاهمه هيا بتقول ايه
لقيتها بتقرب أيدها مني وحطتها علي بطني
وقالتلي
دي اللي هتشيل الذنب .
مفهمتش قصدها وجوزي طردها من البيت وبعدها باسبوع عرفت اني حامل وفي نفس اليوم عرفت أن سنيه ماتت مشنوقه في بيتها وجنبيها رساله باسمي جوزي خد الرساله وخباها قبل ولادتي بشعر لقيت الرساله كان مكتوب فيها
نزلي اللي في بطنك يابنتي اللي فكتيها دي هتتولد من تاني في جوفك
اللي فكتيها دي جنيه غضبانه انا سلسلتها بنفسي لخدمتي عشان متاذيش حد الجنيه دي هتفضل لابسه بنتك
الجنيه دي لابسه فستان مصنوع من خيوط مميته كانت متسلسله بيه انا اللي صنعته ليها يوم ما فكتيها حررتيها علي شكلها القبيح حلفت مش هتسيبني عشان سلسلتها ولا هتيسيبك انتي كمان عشان معرفتيش تحريرها بشكلها البشري وحررتيها بشكلها البشع
طول ما الجنيه دي برا هتفضل تاخد في بنات وتعيش في جسمهم لحد ما تلبسهم الفستان زيها وتسلسلهم بيه يوم فرحهم
وبعدها هيموتوا وبعدها هنشوف بنت جميله تاخد روحها بنفس الفستان **
والده سمر خلصت كلامها وبدأت تبكي
انا كنت عارفه أن بنتي هتموت يوم فرحها عشان كده عجلت الجواز انا كنت عوزاها ترتاح
بصيت ليها بصدمه وانا بحاول استوعب
انا كده هموت صح انا كده هيبقي مكان سمر !
طب طب مش الست دي كان معاها كتاب ! الكتاب ده فين مش يمكن لو قرينا المكتوب فيه هقدر الحق سمر!
سنيه كانت ست قادره حتي لو كان في أيدها الحل مش هتسيبني أعرفه قطع كلامنا صوت خطوات حوالينا المكان كان هادي ومش ظاهر فيه حد لقينا وشنا نشوف الصوت جاي منين لحد ما الصوت هدي وبدأ يرجع تاني بس المره دي من عند قبر سنيه .
لقينا وشنا لقينا سمر قاعده بفستان الفرح بتحفر في قبر سنيه رجلها كانت مكسوره ب الشعر وشكلها كان بشع
شعبنا بخوف واحنا بنبعد عنها فضلت تحفر بهستريا وهيا بتصرخ لحد ما نزلت القبر
بصيت لوالده سمر وقولتلها
لو مطلعتش أو سمعتي صراخي اقفلي عليا القبر انا مش عاوزه اعيش والشئ ده لابسني
ونزلت للقبر ورا سمر
نزلت بهدوء المكان مظلم ا خرجت موبايلي وحاولت انور بيه شوفت
سمر بتخلع الفستان ويتقرب من كفن سنيه نور الموبايل كان مسلط عليها لفت وسهل وبصتلي عينيها كانت منوره بدأت تصرخ عليا بصوت شبيه بصوت الذئب قفلت الضوء واستخبيت في ركن من أركان القبر استنيت شويه وسلطت الضوء علي سمرلقيتهاا بتاخد حاجه من كفن سنيه
ده الكتاب !!! حدفت سمر بطوله كانت جنبي وقعت علي الأرض بتصرخ
روحت لحد الكفن كنت لسا همسك الكتاب انقضت عليا من صهري وبدأت تنهش فيه باسنانها حاولت ازقها معرفتش جيبت طوبه تانيه كانت جنبي وحدفتها علي ضهري وقعت علي رأسها
سابتني وجريت لحد الكفن قامت تاني وشدتني من رجلي صوت صرخات كانت في كل مكان الهدا كان أبرد من اي وقت سمر كانت بتنهش في جسمي شوفت سنيه بتقوم من الكفنالعضم بتاعها والتراب اتجمع من كل حته شوفتها قاعده لابسه عبايه سوده بتبص ليها وتضحك بهستريا جسمي بدأ ينهار حاولت ابعد سمر ومعرفتش لحد ما سمعت صوت حد بيصرخ كانت والده سمر نازله القبر بتصرخ معاها عصابه حديد ضربت سمر علي رأسها وقعت علي الأرض جريت لحد سنيه فضلت تحدف عليها تراب وتصرخ انتي السبب صوت ضحك سنيا كان بيشتد
بس صوت والده سمر كان اعلي
ابعدي عن بنتي انتي السبب فضلت تحدف تراب في عينيها وهيا بتقول باسم ربنا الاعظم وقوته موتي باسم ربنا الاعظم وقوته موتي سنيا صرخت واتحولت لتراب والده سمر جريت علي الكتاب وفضلت تقرأ منه سمعت صوت سمر من ورايا بيتالم ويصرخ مسكت في رجلي وشدتني وفضلت تصرخ بصوت بشع وهيا بتقولي سكتيها جريت منها ووقفت جنب والده سمر كانت هيا بتقرير كلام غريب من الكتاب
عودي الي معظم ياملعونه ف شبابك لن يطول مقعدك هو في الدرك الاسفل من النار
وكنت يردد انا وراها بصوت عالي
باسم الله الاعظم فهو قادر عليكي سمر انهارت علي الأرض ورجع شكلها طبيعي والده سمر صرخت فيا وقالت خدي بنتي واجري أخرجوا بسرعه في ركن القبر شوفت ست عجوزه متسلسله لابسه فستان نفس الفستان.. شيلت سمر علي كتفي ولسا كنت همسك ايد والدتها بس حاجه شدتها مني سنيه كانت قاعده يتشد فيها من رجلها وتضحك والعجوزه كانت بتتنطط بفرح والده سمر صرخت فيا وقالتلي اهربي بسرعه فضلت اصرخ واطلب المساعده وخرجت برا القبر لسا هبص كان باب القبر اتقفل والتراب كان بيتردم عليه من نفسه لحد ما رجع زي الاول وعلي شاهد القبر كان مكتوب
سنيه احمد المسلماني
*سنيه العرجه* ..
مروه احمد جميل
*ام سمر*