بعد اذنكم انا طالعه اوضتي..
_بص ابو المجد بحده لزياد وخرج وطلع بتد. منه زياد هو كمان راح شغله..
_علي اخر اليوم جات هدي وقعدت مع نيره في اوضتها وكانت مدايقه جدا وقالتلها…
هدي ـ
طلعتي مش ساهله يا نيره ملحقتيش زياد قولتي تاخدي اخوه، ولا يا تارا دي كانت لعبتك من الاول…
نيره بحده _
انتي بتقولي ايه بس يا هدي، ازاي تفكري فيا انا كده..
هدي بعصب#ية ـ
عشان انتي كده اصلا طماعه وانانيه وبتحبي تاخدي كل حاجه لوحدك ومش مهم عندك مشاعر حد غير نفسك….
بكت نيره وقالت _
انا بجد مش مصدقه ده انتي اكتر وحده كانت تعرف اللي جوايا لزياد…
هدي بغيظ زعقت فيها وقالت _
ايوه وعشاان كده بقي روحتي واتجوزتي اخوه….
_قبل ما ترد عليها دخل عزت وبص لهدي بعصبية وزعق فيها وقال بحد#ه..
عزت _
انتي ازاي تكلميها كده، وانتي مال اهلك اصلا هي اتجوزت مين؟…
اتوترت هدي وردت عليه وقالت _
ااا انا بس كك..
عزت بحده قالها _
انتي تطلعي بره وما سوفش وشك تاني خالص هنا، ويا تيحي وانتي محترمه صاحبة البيت ده يا ما تجيش احسن فاهمه ولا مش فاهمه..
_دمعت عيون هدي واخدت شنطتها ومشيت وهي بتبص لنيره بحقد، فقربت نيره من عزت وزغقت فيه وقالت..
نيره بحده _
انت ازاي تزعق لصحبتي كده، انت اتجننت..
قفل عزت باب الاوضه ورد عليها وقال _
صوتك ما يعلاش عليا وبعدين انا معملتش كده عشان سواد عيونك، انا عملت كده لانك للاسف نراتي وكرامتك متعلقه بكرامتي..
بصتله بحزن وقالت _
ومدام هو للاسف وافقت ليه ولا كنت خايف وما قدرتش تقول لا؟..
زعق فيها عزت وقال _
نيررررره اول واخر مره تتعدي حدودك معايا فاهمه ولا لا، انا اتحوزتك بمزاجي عشان انتي بنت عمي وعشان سمعت العيله…
نيره بحده قالتله _
وايه اللي خلاك تقرب مني امبارح سمعت العيله برضو؟…
بصلها من فوق لتحت بسخريه ورد عليها وقال _
عادي علي فكره انتي اللي ما قولتيش لا..
_قال كلامه وسابها ودخل الحمام وهي دمو#عها نزلت بحون، حتي لما قررت تنسي زياد ما لقيتش اي باب مفتوح من عزت عشان تديه فرصه، سابت الاوضه ونزلت تحت قعدت في الجنينه وهي بتعيط، وفي الوقت ده كانت اروي وزياد واقفين في البلكونه واول ما شافوها قالت اروي بضيق..
اروي _
انا وبره سمعت عزت بيزعق فيها جامد..
اتنهد زياد بضيق وقال _
هو بيحبها جدا فوق ما تتخيلي وده كان برضو سبب من الاسباب اني ما كنتش عايز اتجوزها بس هو غبي ومش عارف يستغب انها بقيت ليه لوحده خلاص…
اروي بحماس _
بقولك. ايه ما تنزل تتكلم معاها وتقولها كده، عشان خاطر عزت..
بصلها زياد بخبث وقال _
يعني انتي مش هتغيري عليا لما انزل..
اروي بسخريه _
بطل هبل هغير عليك من مرات اخوك اللي انا واثقه انك بتعتبرها اختك، وكمان هي كانت قدامك لو كنت عايزها كنت اخدتها، بس انت اختارتني انا..
زياد _
ما انتي عاقله وحلوه اهوو اومال كنتي عامله فيها عبيطه وعلي نياتك ليه..
ضربته اروي في كتفه وقالت _
بقي انا كده يا رخم، طيب ماليش دعوه وزعلانه منك..
زياد بضحك رد. عليها وقال _
هههههه خلاص والله نازل، بس خليكي هنا ما تمشيش..
اروي _
لا انا داخله اخد شاور لحد ما تيجي..
_وبعد شويه نزل زياد وقعد جنب نيره اللي كانت لسه بتعيط وقالها..
زياد _
يتبببببببببببببع