سابني يوم فرحنا واتجوز خدامه وانا اتجوزت اخوه الصغير…
ابو المجد بحده _
يعني ايه اتجوزتها انا مش قولت لاا…
زياد بعند _
انت قولت لا بس انا بحبها يا بابا..
فريده بقلق _
خلاص يا ابو المجد اللي حصل دلوقتي..
ابو المجد بغصبيه زعق فيهم وقال _
وانا ما يتلويش دراعي ياخدها ويطلع بره..
وبعدين بص لابنه الصغير معتز وقال _
وانت هتتجوز نيره مكانه…
_وقبل ما نبدا قصتنا اعرفكم علي بطلتنا النهارده واللي اسمها نيره وعمرها 24 سنه، وحيدة باباها ومامتها راحت وهي صغيره واتخطبت لزياد لابن عمها اللي بتحبه من وهي صغيره بس اللي حصل يوم الفرح الصبح كان..
_دخل زياد المطبخ وكانت اروي بنت الخدامه القديمه بتاعت القصر واقفه بتحضر الفطار مع باقي الخدم، ودموعها كانت علي وشها، واول ما شاف زياد دموعها اتعصب وزعق في باقي الخدم وقال..
زباد بحده _
اطلعو بره كلكم يلااا..
جات اروي تطلع مسك زياد ايدها وقال بجديه _
اروي استني عايز اتكلم معاكي..
اروي ببكاء ردت عليه وقالت _
اللي انت بتعمله ده غلط يا زياد بيه لو حد شافنا ا..
زعق فيها زياد وقال _
قولتلك مليون مره متقوليش زياد بيه دي، انا زياد وبس يا اروي، انا زياد حبيبك وبس..
بصتله اروي بسخريه وقالت_
ااه زياد حبيبي اللي فرحه النهارده..
زياد بحزن رد عليها وقال _
انتي عارفه انه مش بمزاجي يا اروي، انا مش بحب نيره ولا عمري شوفتها اصلا غير اختي وانتي الوحيده اللي حبيتها وقلبي دق ليها…
اروي ببكاء قالت _
محدش هيقبل الحب ده يا زياد، محدش هيرضي ولا هيوافق ان ابن البيه يتجوز بنت الخدامه..
زياد بعصبية رد عليها وقال _
الخدامه دي لما ماما تعبت زمان وقعدت سنه في المستشفي هي اللي ربت عزت اخويا معاكي، ورضعته سنه كامله وبقيت مامته وانتي اخته في الرضاعه وبقيتي حبيبتي، ومحدش ليه حق يتحكم في قلبي..
بعدت عنه اروي وقالت ببكاء _
مبقاش ينفع خلاص والكلام دلزقتي ما فيش منه فايده يا زياد..
مسك زياد ايديها وقاال بحده _
لا ليه فايده لحد هنا وكفايه انا مش هسمح لحد يتحكم في حياتي اكتر من كده..
اروي بقلق سالته _
انت ناوي تعمل ايه؟..
زياد بثبات وثقه رد عليها وقال _
هنتجوز يا اروي والنهارده…
اتصدمت اروي وقالت _
انت بتقول ايه مستحيل…
_بعد شويه نزل عزت اخو زياد وقعد يفطر مع باباه ومامته وقالهم صباح الخير، وقالتله فريده مامته..
فريده
يتبببببببببببببع