الحمد لله ربنا رزقني بزوج صالح وقمة في الأخلاق والتدين ومش حارمني من شئ ❤️
هو شغله كله في الخارج بيسافر من قبل زواجنا كل حياته وأصدقائه هناك وأخدنا معاه هناك وكانت حياتنا لحد كدة تمام
لكن زي حال الدنيا مفيش حاجة بتكمل فيها.
هو عنده أخ عنده نسبة إعاقة ذهنية وصرع، وأختين متزوجين بعيد عن والدته ووالده.
المشكلة بدأت أول مانزلنا أواخر السنة اللي فاتت، إن والده مرd وتعب جدا وراح بيه عند أغلى دكاترة في مصر وفي العالم العربي
وكلهم قالوا عنده قصور شديد في الكليتين 💔
حالته بدأت تتدهور وبقى يتحجز في العناية المركزة لأكتر من شهر 💔
زوجي ماسبش والده لحظة واحدة وكان بينام تحت رجله ❤️
وأخد إجازة من شغله في الخارج عشان يتفرغ لحالة الوالد،
دلوقتي هو نازل بقاله ٩ شهور وصرف تقريبا كل الفلوس اللي معاه.
مفيش هنا أي مصدر رزق له ولا أي دخل نهائي.
وإجازته فاضل فيها شهر وتنتهي.
هو دلوقتي مفيش بديل له راجل يعني يكون مع والده لإننا أرياف وسكننا بعيد عن المستشفى.
وأنا عندي ثلاث أطفال أصغرهم ٦ شهور فصعب بالنسبة لي أروح مع والده يوم بعد يوم
ووالدته أمية لاتقرأ ولا تكتب
وأخوه مريض زي ماذكرت
وأخواته البنات متزوجين بعيد
حتى أنا برضو بعيد عن أهلي
وسبب رفض الوالدة لبيع الأرض إنها بتقول طيب وبعد ما فلوس الأرض تخلص إيه العمل؟
ايه الحل من وجهة نظركم؟
طلب أخير لو سمحتم ادعوا لأبي زوجي بالشفاء العاجل.
ولزوجي بتفريج كربه وكشف الغمة.
جزاكم الله خير ❤️