السلام عليكم ورحمه الله وبركاته
انا عندي مشكله ومحتاجه نصيحه مش لوم وعتاب لاني فيا اللي مكفيني وعارفه انه محدش بياخد من الدنيا كل حاجه ومش هقول انا اتظلمت ولا ظلمت بس انا حابه افضفض باللي جوايا يمكن نفسيتي ترتاح انا كنت متجوزه وانا سني ١٥ سنه عشت مع جوزي ١٢ سنه جواز خلفت من ٣ اولاد وهو ابن عمي شفت منه كل حاجه
تتخيلوها من ضرب كان بيسبب تشوهات في جسمي ومن اهانه بالفاظ مينفعش تتقال لمراته وكل دا كان بيكون قدام ولادي دا غير الخيانه وانه جاب طفل في الاخر من الحرام وغير انه كان بيشرب كل انواع المخدر اشتكيت كتير لبابا كان وكنت بروحله مضروبه وجايه من عند الدكتور كان رده ليا عيشي ذي مالناس ماهي عايشه معنديش بنت تتطلق من اول ماجبت ابني الكبير فضلت استحمل لحد ماجبت ابني الاخير وبعدين اصريت علي الطلاق وروحت بيت اهلي راح بابا اخد ولادي ورجعهم لابوهم وقال انا مش بربي ولاد حد عيطت كتير نفسيتي تعبت بقيت بروح لدكتور نفسية وباخد علاج
للاكتئاب لما ملقيتش حل سيبت البيت ورفعت خلع علي جوزي وطلقت منه الحمدلله بس خسرت طبعا ولادي وقطعت بابا لانه هو السبب في جوازي منه والسبب في بعد ولادي عني حاولت ارجع ولادي بكل الطرق طليقي رفض انه اخدهم وبعدين لما لقيت ابن الحلال اللي شاريني بظروفي عرفت بابا انه عايزه اتجوز رفض فاتجوزته من نفسي وكمان طليقي اخد ورثي من بابا علي انه ورث ولادي فيا وبابا بالفعل ظلمني لتالت
مره واداله ورثي المشكله بقا انه بقالي سنتين بتقطع علي ولادي ومش عارفه اعمل اي حاولت ارجع ولادي طليقي بيعند معايا ومش راضي علشان سيبت البيت وخلعته واتجوزت وكل ماكلمه علي تواصل الاجتماعي او الفون يعملي بلوك وحرمني انه اسمع صوت ولادي ومعرفه اني مت اتصرف اذاي واعمل اي لو حد عنده نصيحه يعرفني انا نفسيا تعبانه وباخد علاج للاكتئاب ومش جايب نتيجه معايا ولادي وحشوني اوووي