بص انا مش عارفه ابدأ منين و الموضوع هيبقا طويل شويه بس هكتب و ياريت الناس تكمل للآخر..
انا بتعرض ل ض غط نفسي كبير من اهل جوزي تمام ..
انا اول م اتجوزت قعدت معاهم ف بيت عيله وهما فلاحين واحنا مكناش فلاحين و اتأقلمت وقولت ماشي مش مهم علشان بحب جوزي
اتعلمت ازي أكنس واحلب و اخبز ف الفرن القش و اعمل اكل زيهم و طورت م نفسي و كانو بردو مبيشكروش وبيقولو عني مبعرفش اعمل حاجه ف كنت بعمل نفسي مش سامعه أو كنت بطلع اعيي ط ف شقتي و ف يوم حصل مشا كل بين بابا و ماما و ضا ربها و زعلت و روحت عند إخوالي وبابا كان بيجي ل حمايا و يحكيلو و يشتكيلو من امي ف حمايا حب يدخل و راحلها يصالحها و إخوالي موفقوش انها تروح معاه ف حمايا من يومها يشت مني و يهز قني انتي وش.خه زي امك وكان بيستغل اي فرصه علشان يشتمن ي و جوزي كان بيشتغل ف القاهره وكنت
بقوله يقولي متزعليش ومكنتش اعرف ان شخصيته ضعيفه كدا ومش هيعرف يدافع عني لأن بردو اخواته كانو بيشت موني سلايفي كانو بيغيرو مني و معرفش ليه ف كانت تسلط جوزها عليا واحنا بناكل علشان كنا قاعدين لسه مع بعض ف بيت العيله كان بيقولي قدام جوزي انتي خساره فيكي اللقمه وهتنزل بال س م الهري و اقولها لمي جوزك تقولي
مليش دعوه و حماتي كانت قاعده و جوزي و محدش اتكلم و بقولو يقولي اصل اخويا تعبان وبتاع و هو مكنش مجنون يعني دا راجل متجوز و مخلف و بيشتغل و بيتعامل مع ناس هيجي عندي انا ويعمل مجنو ن ف انا بردو كنت بعي ط و بقول مش مشكله ف كنت حامل اول مره و كدا و ف يوم رايحه اكشف مع حماتي ف سلفتي اللي بتسلط جوزها دي قالتلي لو مشيتي مش هقعد ف البيت ونا مشيت ف راحت
ل حمايا بتقولو دي مش تعبانه و عامله نفسها تعبانه علشان تهرب من الشغل ونا هقعد لوحدي و راحت عند اهلها و رنت ع حماتي بتقولها قابليني لو مرات ابنك شافت الخلف .. تاني يوم بحط ل حمايا الفطار و احب ع أيده ضر،بني ب القل م و شتم ني و حماتي بتقولي ونبي متقوليش ل ابني وانا
قولتله ومعملش حاجه وكنت بقولو انا تعبت عاوزه اقعد لوحدي كان بيقولي عمري م هسيب ابويا و امي وكنت مضطره اني استحمل علشان اعيش ف المهم حمايا كان زهقان مني بسبب موضوع امي وكان ديما يشت مني بيها لحد
م خلفت و ماما جت معايا المستشفى و روحنا و قعدت معايا ف شقتي ف حصل مشاكل و حمايا رن ع ابويا علشان يجي ياخد امي من ورا اهلها ف إخوالي عرفو وجم علشان ياخدو امي يوم السبوع حمايا شتم خالي و قالو مش واخدها و مشي م هنا و خالي ز عق و ضربو بعض و كس رولي
الشقه و بوظو السبوع
ف امي روحت مع إخوالي وحمايا بقا مكنش طايق يشوفني وبيتلككلي اكتر و بعد السبوع ب كام يوم طلعلي الشقه و ضر،بني علشان منزلتش أكنس الزريبه الساعه 5 الصبح لأن سلايفي كلهم قعدو لوحدهم ومفضلش غيري علشان خاطر
جوزي مكنش عاوز يسبهم رنيت عليه و هو ف القاهره و قولتله ابوك طلع ضر،بني و اخوك كان واقف و مسلكش عني و انا مش هنزل تحت تاني كان بيحاول يضغط عليا علشان انزل بس انا رفضت و قعدت لوحدي بس شلنا كل حاجه
كهربا و مايه و اكل كل المصاريف دي و كان المرتب مبيقضيش و قولت كدا هرتاح من حمايا دا بس للاسف كل م يشوفني يهرزقني و مره بابا كان جاي عندي بيقولوا طلق امها و اخلص و هتقعد كام سنه ف المحكمه ع متاخد حقها منك و فعلا بابا سمع كلامه و عدت اول سنه ليا معاهم و
تاني سنه بقا بابا مكنش بيجيلي خالص و كنت بحاول أئقلم نفسي مع عيشتي مكنتش بنزل غير لما حمايا يمشي علشان ميشوفنيش وكنت حرفيا زي الهربانه مع اني معملتش حاجه علشان اهرب منو بس كنت بهرب من شتمته و ضر به فيا لحد م اتصالحنا و بقيت بنزل عنده بس اتصالحت ف تالت سنه بس كنت بخاف منو بردو كنت بنزل اساعد حماتي ف قالتلي بدل م تطبخي هنا و ترجعي تطبخي فوق كلي معايا انتي و ولادك ولسه قاعده لوحدك زي مانتي ف انا اليوم ال كنت
بشتغل فيه كنت باكل فيه تحت لو مشتغلتش م اكلش ف كنت حاسه اصلا انو م طايقني و مكنتش بحب اقعد معاه ع صنيه ف المهم نضفت البيت ل حماتي غسلتلها البطاطين و السجاد و الإقيسه علشان كنا داخلين ع رمضان (رمضان ال فات) و قبل رمضان بيوم بنته جت تروق ل امها البيت و سلايفي نزلو معاها ف انا قولت ام اطلع اروق شقتي و اطلع المراتب و كدا ف نزلت العصر علشان اعملهم العشاء
لأن انا ال كنت بطبخ و كنست ومسحت البيت لما نزلت و دخلت المطبخ الاقي حمايا دا دخلي المطبخ بيقولي منزلتيش ليه قولتله كنت بروق شقتي قالي بتفحتي فوق قولتله منا اصلا تعبانه قالي منتي زي ال.ب.غل اهو ولا عاوزه تاكلي وت.ش.خي زي امك قالي من بكره تنزلي الساعه 5 ف انا قولتله لا مش نازله انا قاعده لوحدي ال هو انا بنزل اساعدكم بس لقيته شخ….رلي والله العظيم ش.خر و نزل فوقي ضر،ب و بنتوه ال سلكته عني و طلعت و قولت مش نازله تاني و تاني يوم كان رمضان حكيت ل جوزي ع ال حصل وحماتي كانت بتحلفني مقولش بس انا قولتله ومعملش حاجه اصلا و نزل فطر معاهم وسابني فطرت لوحدي ف الشقه و جه العيد و قولت المسامح كريم
يتبع….