وفعلا عملت كده واما قلتهله ومبقتش انزل مبيكلمنيش خالص وكلامه كله اما اجي اكلمه ان انا قليله الاصل ومستهلش وان هما كانو كويسين معايا ف الاول وانا اللي اتمردت عليهم وبحاول افهمه وجه نظري مش مقتنع غير ان امه ع حق واني من حقي اشتغلها واخدمها وانا والله مش ممانعه بس انا تعب ومش عارفه اعمل اي انا قولته هاخد ابني وامش بيقولي انتي متلزمنيلش انتي عايشه معايا عشان خاطر الولد ميترباش بعيد عني
مش عارفه اتصرف ازاي ولا اعمل اي احنا ع قد حالنا وامي ست كبيره واخويا ربنا كرمه واتجوز وانا مش عايزه اخرب ع نفسي وهو العيشه معاه بقت صعب اوي بقالي اكتر من شهر مبنزلش وهو مانع معايا الكلام خالص وكاننا اتنين اغراب مفيش غير الخناق ع اتفه الاسباب حتي وانا قاعده لوحدي مش سايبني ف حالي بيلقحو عليا بالكلام ع السلم وحاجه بصراحه محدش يستحملها وجوزي بيقولي انتي اللي بتعملي كده ف نفسك ومش بيخليني حتي اخرج اشتري اي حاجه من برا ممكن تفيدوني اعمل اي والله اللي انا كتباه ده كله ميجيش حاجه في اللي بيحصل واللي انا عايشه فيه ومن فضلكم بلاش كلام يوجع ربنا عالم بحالي