السلام عليكم ممكن تنزلي مشكلتي انا متجوزه في بيت عيله بقالي 3 سنين ومتجوزه عن حب وجوزي طيب اوي ف التلت سنين دول حصلت حاجات كتير انا بحب اهل جوزي جدا وبعتبرهم زي ااهلي
واول ما اتجوزت كنت عايزه اسبتلها ان ابنها اختار واحده شبهم عشان هما فلاحين يعني وعندهم شغل البيت ده موال ده غير ان حماتي ليها شغل ليها وبتشغلنا فيه انا وسلايفي من غير حتي متراضينا بجنيه وانتو عارفين شغل الفلاحين مش محتاج وصف سلايفي يقربو لحماتي ومن نفس البلد
انا من القاهره فكنت عايزه ارفع راس جوزي قدام اهله عشان هما مكانوش موافقين انه يتجوز بنت من القاهره المهم اتعلمت شغلهم وشفت بيروقو ازاي وبقيت اعمل زيهم واحسن منهم كمان وحماتي حبتني اوي وانا اعتبرتها زي امي وكلهم حبوني
حتي اخواتو الصغيرين لغيت حياتي ونسيت نفسي وخصصت نفسي لشغلهم ولخدمتهم لحد ما ربنا كرمني وحملت اول مره بس للاسف محصلش نصيب واجهضت محدش منهم كان بيحس بيا ولا بتعبي وانا ماليش حد غير امي ست كبيره واخويا ربنا يباركله هو اللي جهزني من الابره للصارووخ وعليه اقساط لسه بيسدها جابلي كل حاجه عشان مبقاش اقل من سلايفي ف حاجه ودول فلاحين وانتو عارفين مجايب الفلاحين كان عايز راسي تبقي مرفوعه وسطهم ربنا يباركله ويكرمه
المهم تعبت شويه بعد الاجهاض وقعدت فتره وبقيت انزل واشتغل لحد ما حملت تاني ومحدش قدر التعب اللي تعبته ف السقط الاولاني واهم حاجه عندهم كانت الشغل اتكلمت مع جوزي قالي انا بحبك وبخاف عليكي وكل حاجه بس اهم حاجه عندي رضا اهلي انزلي حتي لو هتعملي ع قدك ومن كتر ما انا بحبه نزلت وموضوع الاجهاض ده اتكرر مرتين كمان
مع العلم انه من اول مر الدكتور كان قايلي متتحركيش عشان انتي عندك مشاكل وكده المهم اما اجهضت 3مرات والله والله نفسيتي ادمرت وجسمي اتبهدل عضمي وكل حاجه فيا ادمرت حسيت اني كبرت بقا عندي ميت سنه وبرضو محدش فيهم حاسس بيا ولا باللي بمر بيه واما كنت باجي اتكلم معاهم يقولو انتي مش اول ولا اخر واحده تحمل وتسقط
وكأن3مرات دول حاجه بسيطه تعايشت معاهم عادي وسلمتها لله برضو عشان خاطر جوزي كل اما اقوله ع حاجه مزعلاني منهم يقولي عشان خطري وانا بصراحه كنت بحبه بطريقه متوصفش حملت تاني بس ف المره الرابعه الدكتور قالي مفيش حركه نهائي مكنتش بتحرك من ع السرير بأمر من الدكتور قدام حماتي وجوزي قعدت التسع شهور وربنا كرمني بأدهم
بس من بعد الولاده وانا مبقتش زي الاول انشغلت وبقيت طاقتي ع قد ابني وبيتي وبرغم من كل ده كنت بنزلهم واخدمهم
بس اليوم اللي مبنزلش فيه كانت القيامه تقوم وجوزي يطلع يزعقلي ومشاكل مبتخلص بسببهم من كلامهم ليه اني بدلع المشاكل كترت اوي لحد من فتره قريبه مشيت وروحت عند امي انا مكنتش بحكي ليها اي حاجه عشان متتعبش واخويا كان دايما يقولي ده بيت عيله مش هتقدري عليه
واما غضبت كاني عملت كارثه حمايا جي عشان يخودني وبيقول مينفعش تسيبنا وتمشي مشاكلها هي وجوزها ف شقتهم احنا مالناش دعوه اخويا قالو هو اللي زعلها يبقي هو اللي يجي يا خدها جي فعلا وخدني بس ع شروط ان انا انزلهم لشغل البيت بس ماليش دعوه بشغل اللي بيدخل لحماتي فلوس هو مش فرض عليا
انا قولت لاخويا هخدمهم عشان انا داخله وعارفه ان دي حياتهم وعشان جوزي وروحت معاه وعملت كده فعلا فتره بسيطه وجوزي كلمني وقالي عشان خاطري ساعدي امي ف شغلها مع انا من ساعه ما رجعت من عند ماما وهما مش مبطلين كلام عليا وبسعهم بودني واما اشتكي لجوزي يقولي معلش وعشان خاطري وسمعته بتقوله انا مش عايزاها تنزل مدام مش بتشتغل يبقا ملهاش لزمه ده غير اني لو كلمتها متردش عليا وجوزي كان حاكم عليه انزل رغم كل ده وانا مكنتش بقول لا بس والله انا نفسيتي ادمرت ولا بخرج
ولا بشوف الشارع ومبقاش قادره اطلع من تحت اشوف شقتي وابني المهم خدت قرار اني مش هنزل تاني وان هو لو عايزني زوجه ليه ولبيته فقط يبقا اهلا وسهلا
يتبع….