بيت الرعب

كان أول سهم ييجي في ضهري من يوم وفاة أبويا,, دخلت في حالة اكـtئاب من بعدها وحسيت ان الماضي هيفضل يطارد فيا طول عمري وبدأ احساسي بالخوف من المجهول ينساب تاني لروحي,, وبدأت الحكاية تنتشر في البلد عن كوني أبن ساحر,, وسبت وكالة الخضار وأمي بردو شغلها بدأ يقل والناس تحجم عنها,, زمان الناس أحجمت عن أبويا عشان كان رافض يشتغل ودلوقتي الناس بتحجم عني عشان أنا أبنه,, وبدأت تديق….تديق أوي.. عليا أنا وأمي حتى أخويا اللي كان لسه في ابتدائي معدش عايز يروح المدرسة,,وعدت الايام لغاية ما حصل حالة,, البلد كلها كانت بتحكي عنها,, صبي كان رايح قبل الفجر عشان أرضهم على آخر الترعة وعايز يلحق المية وهي عالية قبل ما الناس اللي قبلهم تشغل مكن الري بتاعهم والمية تقل في الترعة شاف كـlب أسود ماشي ورا حماره نزل من عالحمار وحدفه بطوبه فاختفى الكلب وسمع صوت صريخ عالي وشاف شبح أسود أطول من الأنسان جسمه كله مكسي بالشعر زي القرود بينط من شجره لشجره وجاي عليه,, ومع آخر شجره قبل ما يوصل للصبي,, الواد مستحملش وأغمى عليه,, من وقتها كان يفوق أحيانا ويتكلم عادي وأحيان تانية يقعد يهذي,, ينقطع عن الأكل والشرب ممكن يوم كامل وبعدها لو حطوله خروف ممكن يأكله,, لغاية ما أكتشفوا أنه هو اللي بيأكل طيور البيت وهي حيه هو اللي بيتسلل ليها في الليل مش تعلب زي ما كانوا فاكرين ويقطم رقبتها بسنانه ويبدأ يأكل فيها وداخوا بيه عشان يعالجوه وفي الآخر دقوا بابي … يتبع سيتم اضافة باقى اجزاء القصه