يا جماعه انا زعلانه مع جوزي وهو مغضبني عند اهلي ححكيلكم واحكموا ما بينا ،احنا اتجوزنا عن حب وعن اقتناع
بس في فرق بينا في المستوى التعليمي انا اعلى منه بزمن انا معايا جامعه وهو يادوب واخد الاعداديه بس والله ما حسيت
ولا عمري حسسته بالفرق ده واهو الدنيا بتعلم اكتر ،وربنا كرمنا ببنوته ربنا يبارك لنا فيها بس من اول يوم اتولدت فيها
حسيت ان في حاجه غلط في فمها ومع الرضاعه اكتشفت ان لسانها مربوط وانا عشان جوز اختي دكتور شافها وعرف اللي
عندها وقالي دي حاجه بسيطه بنعملها عمليه بس لما يكون عندها تسعه شهور ومش اكتر من سنه ،فانا لما هى بقى عندها
تسع شهور قولت لجوزي يالا بقى نعمل لها عمليه رد عليه رد غريب وقالي
لا معنديش الكلام ده قولتله اللي هو ازاي مش فاهمه ،قالي لما بنتي تكبر وتبدأ تتكلم والحرف اللي متعرفش تنطقه ساعتها بس اعملها العمليه دي والموضوع منتهى ،طبعا انا
اتجنيت قولتله ايه اللي انت بتقوله ده ده كلام ناس متخلفه مبتفهمش ز عق معايا وكانت عر كه بينا ،وطلبت من جوز اختي يفهمه وفعلا فهمه بس هو مصمم على رايه قولتله ده دكتور
وفاهم ز عق معايا وقالي دكتور على نفسه ودي بنتي وانا اللي اقول تعمل ايه ومتعملش ايه ، قمت انا قررت اعملها من وراه وفعلا عملت نفسي رايحه عند اختي وحبات عندها وروحت
من عندها المستشفى وبنتي عملت العمليه والحمد لله خرجت بالسلامه ،ولاقيت جوزي بيتصل بيه وبيقولي انه جي ياخدنا وجه اخدنا وروحت اركب العربيه قام جوز اختي نده عليه
وقاله خد الادويه بتاعت البنوته ومتنساش تديهالها في المعاد قاله ليه مالها خير قاله عشان العمليه ،جوزي اتصد م وسكت ورجع العربيه وهو في الطريق قالي انا حوديكي على بيت ابوكي قولتله ليه قالي عشان اللي انتي عملتيه من ورايا قمت
زعقت وقولتله اصلك جاهل ومش فاهم حاجه وراكب راسك وانت ذي ما انت ابوها وبتخاف عليها انا كمان امها وبخاف
عليها قام مقلش حاجه غير يابنت الناس انتي طا لق ورجعني على بيت ابويا وبقاله شهرين ولا اتصل ولا اطمن حتى على بنته انا كده غلطانه في اللي عملته