السلام عليكم انا شاب عندي 44 سنه و متجوزتش ف اعتبر ف تعداد الناس المتأ،خرين فالجواز .. واحد صاحبي عرض
عليا جارته هي شغاله مدرسه و عندها 40 سنه يعني حلو سنها قريب لسني اهي و اتأخرت فالجواز زيي و كمان قالي أن مستواهم المادي كويس و هي ساعدوني فحاجات كتيره اوي يعني هيوافقوا عليا و أن شاء الله الجوازه تكون بسيطه و
تعدي بسهوله بدون طلبات صعبه و كدا .. المهم صاحبي خد معاهم ميعاد ورحت انا و والدتي و صاحبي و اول م دخلنا البيت ما شاء الله فرش فخم و بيتهم علي مستوي و المنطقه جميله اوي ف استبشرت خير فتحلنا الباب والدها و قعدنا
معاه شويه و جت هي بصراحه انا حسيت من اول نظره أن شكلها كبير عليا بس قلت مش مشكله المهم القبول و قعدت معاها لوحدنا و حصل القبول و جينا عشان نتفق جت والدتها و قعدت جنبي و طلبت مني طلب غري،ب جدا طلبت لبنتها ….
ف قلتلها طيب مينفعش دهب عادي قالتلي لا طبعا بنتي تتاقل بالاكتر من الدهب و كويس أن طلبنا خاتم بس ..
أن الشبكه تكون خاتم سوليتير …. انا ات،صدمت خاتم سوليتير ايه ده اللي اجيبه ف زمننا ده و الغلاء اللي احنا فيه بصراحه انا اتقفلت منهم و خدت امي و مشيت و امي فضلت تقنعني انهم ناس كويسين و طلباتهم عاديه هو بس حوار
الخاتم ده اللي غر،يب ف ممكن تظبط امورك و تجبهولها و خلاص بس انا حاسس ان امها مر،يبه كدا و خوفتني من المستقبل بعد كدا .. ف ايه رايكم اكمل فالموضوع علي كدا و لا ايه ؟