السلام عليكم
انا راجل عندي حاليا ٤٠ سنة كنت متجوز واحدة ادب واخلاق وتعليم عالي وثقافة وست بيت ممتازة وخلفنا بسرعة بس انا كنت طايش جدا وماكنتش شايف فيها ميزة وكنت بخونها باستمرار وتقريبا كنت كل شهر مع واحدة
في الاول هي كانت بتنهار وساعات كانت تسألني انا مقصرة في ايه واعمله وهي ماكنتش مقصرة بس انا كنت شايف اني مش بعمل حاجة غلط هي كامت متمسكة بالبيت وتقريبا عمرها ماشتكت لاهلها مني
وانا اللي كنت بضربها واطردها من البيت لاتفه الاسباب ووقت ماقولها ارجعي كانت بترجع عشان عايزة تحافظ على البيت جه علينا وقت انا اتعرضت لازمة مالية وقفت جنبي واشتغلت وكانت تقريبا هي اللي بتصرف على البيت وانا برده زي مانا
لحد مافي يوم من الايام اتخانقنا وضربتها زي اي خناقة لقيتها من سكات لمت هدومها وخدت العيال ومشيت لاهلها ورفعت عليا قضية خلع طبعا وقتها كانت قالت لاهلها على اسبابها ووقتها اهلي وقفوا جنبي على الرغم انهم عارفين اني بخونها وبضربها من زمان
يتبع….