صباح الخير دلوقتي انا بقالي 3شهور غضبانه عند اخويا في البدايه كانت مراته بتعمل كل حاجه اكل وغسيل ونضافه اقولها اساعدك تقولي لا خليكي انتي معاكي عيل بيرضع بعد كده اتغيرت شويه بشويه لاقتها بتقولي جهزي فطار لنفسك علي ما اخلص غسيل
وانا ببقا صاحيه مش قادره من الرضاعه وبعد كده بقت تقولي مستعجله علي غسيلك اغسليه انتي انا بغسل مرتين بس في الأسبوع دلوقتي انا بقولها انا رايحه عند وحده صحبتي اتفك معاها عشان زهقانه
وخلي حماده معاكي قالت انا مش فاضيه وهنزل اجيب العيال من المدرسه وهعمل اكل قولت لها اعملي حاجات بسيطه في الغداء والعيال خدي معاكي وانتي رايحه قالت لا خدي ابنك معاكي انا مش هعرف اخلي بالي منه
وانا لبست ونزلت وسبت الواد لاقيت اخويا اتصل وبيزعق ويقولي ارجعي البيت انتي ازي تخرجي من غير اذن وازي تسيبي ابنك انا رجعت البيت وقفله علي نفسي لحد ما يرجع ويعتذر قدام مراته انتو ايه رايكم ينفع توقع اخويا معايا كده وانا اطنش ولا اخد حقي منها