السلام عليكم أنا مطلق من سنتين وعندي ولدين وفي حضانتي لأن امهم تنازلت عن الحضانة ومن سنتين وأنا قايم لهم بواجبات الأم والاب وتعبت وقررت اني بحاجة لزوجة لي وام لهم رحت عند امي وطلبت ان تبحث لي عن عروسه توافق بيا وبالاولاد
فقالتلي رجع ام عيالك احسن لك ولعيالك ولو هي لم توافق على الرجوع ابقى تزوج غيرها وكلامها اقنعني ورحت فاتحت اهلها في رجوعها واهلها رحبوا وبعدها اكتشفت ان طليقتي كانت بتكلم امي واتفقوا مع بعض عليا علشان امي تنصحني اني ارجعها
وبصراحة بعد ما عرفت لعبتهم فقدت الثقة تماما في طليقتي بسبب هذا الموقف وحتى امي زعلت منها جدا ..
انا دلوقتي خلاص هرجعها
اتفقت معاها ومع اهلها على كل شيء بس بعد الموقف ده رجعت اتردد تاني لاني حاسس انهم خدعوني وعملوا عليا تمثيله سخيفه ومش عارف فعلا اكمل وارجعها فعلا ولا اتراجع عن رجوعها بسبب الموضوع ده مش عارف بجد اقرر