بعد شهرين زهقت واهلي عرفو قالي بالحرف انتي عندك نواقص وانا كملتهالك ومعيشك احسن عيشه وانا اختارتك لظروفك لانك مستحيل ترجعي تاني للفقر اللي كنتي عايشه فيه بعد اللي شايفاه معايا انا عارف ان عندي مشكلة بس انا بتقي الله فيكي وفي اهلك وبساعدكم زي ما تكونوا اهلي بالظبط
وانتي شايفه بنفسك النقلة اللي حصلت في حياتكم كلكم هو متكفل بكل حاجه عندنا وسكنهم في شقة نضيفه من املاكه هو وخلاص ارتضيت وعايشه معاه بقالي ٣ سنين
وكل ما افكر أتطلق افتكر اللي كنت عايشه فيه واللي ممكن يحصل بعد طلاقي لاني مليش اي حقوق لا مؤخر ولا قايمه لانه زي ما حكيت اتكفل بكل حاجه ودفع مهر وكل التكاليف
مش عارفه انا كده وضعي صح لاني اكيد بين نارين وكل فترة اعيش في تفكير بس مش بقدر آخد اي قرار لما بفتكر زمان ودلوقتي واقارن وقاعده بصراحه معززة مكرمه ومرفهه لعل الله يحدث بعد ذلك امرا ويحصل اي تغيير
انا اسفه والله للاطالة بس ده اختصار كتير ويشهد الله على كل كلمة قولتها انها صدق وفيه تفاصيل كتير بس علشان مطولش اكتر من كده وشكرا لسعة صدركم