انا عندي ٢٨ سنه متجوزه من ٣ سنين وقتها جالي جوزي الحالي كان عنده ٤٥ سنه يعني اكبر مني ب ٢٠ سنه بس مكنش باين عليه السن اوي احنا فقرا وتحت خط الفقر بدرجات
والله كان بيعدي علينا ب٣ و ٤ ايام بناكل ممكن عيش وجبنه قريش او فول وطعمية ويمكن وقتها مكنش غلا زي دلوقتي بس مكنش فيه ابويا رجل مريض حساسية وربو ومشاكل في القلب واخواتي كلهم اصغر مني ٢ بنات وولد في ابتدائي وكنا متبهدلين
جالي العريس ده كان طوق النجاة للبيت كله زي الافلام كده والله ده اللي حصل اتجوز مره واحده وطلىقها مش معاه ولاد جابلي احسن شقة واحسن عفش وكان متكفل بكل حاجه لانه غني جدا لان عنده مصنع
ودفع لبابا ٧٠ الف علشان يجهزني و ده كان مهري وانتوا بقى تصوروا النقلة اللي حصلت في حياتنا كلنا لانه سأل علينا وعارف ظروفنا كويس اوي وعملي فرح حلو وروحنا الغردقه اسبوعين في فندق فخم جدا
بس من يوم الفرح و احنا عايشن زي الاخوات بس الغرض من الجواز اكتمال الواجهه الاجتماعيه واحد في مركزه المالي مينفعش يكون مش متجوز غير انه ملوش في المشي اللي مش كويس وبيصلي وعارف ربنا
هو عنده عيب اتولد بيه ووقته مكنش فيه علاج وحصل ضمور وخلاص كده مش هقدر أشرح اوي ارجوا تكونوا فهمتوا
يتبع….